Left arrow Go Back

Ftehim biex jiġi liberalizzat is-servizz bl-ajru bejn Malta u l-Ġermanja

PR1648
Date Icon 22/11/2002

Il-Gvern Malti u dak Ġermaniż laħqu ftehim li bih ser jiġi liberalizzat is-servizz ta’ l-ajru bejn Malta u l-Ġermanja.

Delegazzjoni mill-Ministeru għat-Trasport u Komunikazzjoni ltaqgħet ma delegazzjoni mill-Ministeru ta’ l-Avjazzjoni Ċivili tal-Ġermanja nhar il-Ħamis 21 ta’ Novembru f’Berlin biex jiddiskutu dan il-ftehim.

Malta kienet ilha tipprova tagħmel dan sa mill-1992. Il-Ġermanja dejjem opponiet din il-liberalizzazzjoni fil-passat u jidher dak li żblokka s-sitwazzjoni din id-darba hu l-fatt li Malta ġiet aċċettata bħala pajjiż lest għas-sħubija fl-Unjoni Ewropea.

Dak li nkiseb hu li l-Air Malta issa għandha aċċess għal kull destinazzjoni fil-Ġermanja mingħajr limitazzjoni tan-numru ta' titjiriet li tista’ tagħmel. In-naħa Ġermaniża aċċettat il-fatt li Malta qiegħda fil-proċess li tagħmel liġijiet li jadottaw l-Acquis Communautaire fosthom dak li jirrigwarda l-liberalizzazzjoni tal-Ground Handling fl-ajruport u anke t-tneħħija tal-bżonn ta’ approvazzjoni mill-Awtoritajiet ta’ l-Avjazzjoni Ċivili għat-tariffi ta’ l-ajru (Air Fares).

It-taħditiet kienu kordjali ħafna u l-ftehim il-ġdid għandu jwassal biex jiġi żviluppat aktar is-suq Ġermaniż. Dan is-suq huwa t-tieni l-akbar wieħed għal Malta, wara dak Ingliż.

M’hemmx dubju li l-bdil fiċ-ċirkostanzi ta’ Malta li sar mill-1992 kienu dawk tal-wasla ta’ Malta għad-dħul fl-Unjoni Ewropea u mingħajr dawn iċ-ċirkostanzi li permezz tagħhom qegħdin isiru liġijiet konformi mar-regoli ta’ l-Unjoni Ewropea ma kienx ikun possibbli li l-Awtoritajiet Ġermaniżi jaslu għall-ftehim li sar il-bieraħ.

Ta’ min jgħid li l-Air Malta laqgħet dan il-ftehim pożittivament għaliex issa tneħħielha x-xkiel li kellha biex tkabbar is-suq Ġermaniż. Dan jawgura wkoll għal aktar żvilupp għat-turiżmu Malti.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

More Press Releases Right arrow