Left arrow Mur Lura

Sistema ta’ taxxa li tiffavorixxi lill-bdiewa

PR1595
Date Icon 13/11/2002

L-aħbar li qed tixxandar fuq Radju Super One dwar l-introduzzjoni ta’ withholding tax għall-bdiewa, hija turija oħra li dak li tgħid l-Oppożizzjoni Laburista dwar is-settur tal-biedja hu biss insult għall-intelliġenza tal-bdiewa u ta’ dawk li jirrappreżentawhom.

Il-Gvern qed isib koperazzjoni sħiħa anki mir-rappreżentanti tal-bdiewa dwar id-dħul tas-sistema ta’ withholding tax, minflok is-sistema preżenti bl-iskop li din tkun ta’ vantaġġ u benefiċċju għall-bdiewa peress li din it-taxxa tkun final tax u l-bdiewa ma jkollhomx bżonn iżommu accounting records tad-dħul u l-ispejjeż.

Bħalma ingħad lir-rappreżentanti tal-bdiewa, il-Gvern hu impenjat li jikkonsulta magħhom fuq kwalunkwe tibdil u d-dokument li ntbagħat lill-għaqdiet tal-bdiewa huwa l-bażi għal konsultazzjoni.

Fil-laqgħa li saret nhar it-Tnejn, 11 ta’ Novembru, ir-rappreżentanti tal-bdiewa kellhom l-opportunità li jesprimu l-fehmiet tagħhom dwar din l-iskema ta’ withholding tax.

Kien hemm xi punti ta’ differenza u l-Ministeru ta’ l-Agrikultura u s-Sajd stieden lir-rappreżentanti jibagħtu l-kontro-proposti kemm dwar ir-rata ta’ bejgħ fil-Pitkalija, kif ukoll fuq ir-rata ta’ bejgħ lill-lukandi u ristoranti. Dawn il-kontro-proposti, li jixhdu s-serjetà ta’ min jirrappreżenta lill-bdiewa f’pajjiżna, se jkunu kunsidrati mill-Ministeru tal-Finanzi u mill-Ministeru ta’ l-Agrikultura u s-Sajd.

Ta’ min jgħid ukoll li m’hux minnu li l-ispejjeż m’humiex se jkunu kunsidrati fil-kalkolu tat-taxxa u f’dan ir-rigward, il-kontro-proposti tar-rappreżentanti tal-bdiewa huma validi u se jkunu wkoll kunsidrati. Il-bdiewa Maltin u Għawdxin jixirqilhom rispett akbar mill-Oppożizzjoni Laburista.

B’konsultazzjoni sħiħa mar-rappreżentanti tal-bdiewa, il-Gvern irid li din il-withholding tax tagħti vantaġġi u benefiċċji lill-bdiewa.

Ta’ min jirrimarka wkoll li filwaqt li kienu qegħdin jikkwotaw x’qalilhom is-Segretarju ta’ l-Assoċjazzjoni tal-Bdiewa, is-Sur Peter Axisa, ixxandret intervista mas-Sur Joseph Galea, impjegat fid-Diviżjoni ta’ l-Ikel u Servizzi Veterinarji fi ħdan il-Ministeru ta’ l-Agrikultura u s-Sajd, meta s-Sur Galea lanqas biss attenda għal-laqgħa li saret nhar it-Tnejn.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 student jieħdu sehem fil-Malta Skills Championships 2026

PR261928

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 studen...

Aktar Stqarrijiet Right arrow