TIĠDID TAL-KARTA TA’ L-IDENTITA’ - SAFI
Il-Kummissarju tal-Pulizija u l-Kummissjonarju Elettorali Prinċipali jinfurmaw lill-pubbliku li ser isir it-tiġdid tal-Karti ta’ l-Identita’ fil-lokalita’ ta’ Safi minn nhar il-Erbgħa 13 sa nhar il-Ġimgħa 15 ta’ Novembru, 2002. F’dan il-perjodu ma jkunx jista’ jsir tiġdid għar-residenti ta’ Safi fl-Uffiċċju tal-Karta ta’ l-Identita’ l-Belt Valletta.
It-tiġdid tal-Karta ta’ l-Identita’ ser isir fl-Iskola Primarja ‘Carmelo Caruana’, Triq Dun Guzepp Caruana. Fic-Ċentru msemmi jistgħu jattendu biss ir-residenti ta’ Safi. It-tiġdid qed isir għal dawk kollha li diġa’ għandhom Karta ta’ l-Identita’. Dawk li ser japplikaw għall-ewwel darba ma jkunux jistgħu jagħmlu dan fiċ-Ċentru tal-lokalita’ tagħhom iżda jkunu jridu japplikaw fl-Uffiċċju tal-Karta ta’ l-Identita’ l-Belt, Valletta.
Għandha tiġi ppreżentata l-Karta ta’ l-Identita’ preżenti kif ukoll il-formola tat-tiġdid bl-informazzjoni mitluba, li qegħda tiġi mibgħuta lil kull min għandu jġedded l-Karta ta’ l-Identita’.
Il-ħinijiet li fihom isir it-tiġdid ser ikunu bejn it-3.00 p.m. u s-7.00 p.m. Aktar dettalji dwar it-tiġdid u l-mili tal-formola jinsab fil-fuljetti li ntbagħtu bil-posta mal-formola tat-tiġdid.
Il-Karta ta’ l-Identita’ l-ġdida tkun tista’ tiġi rtirata aktar ‘l quddiem mill-Għassa tal-Pulizija ta’ Safi u ser jinħareġ avviż għall-Istampa u jidher avviż dwar dan fil-gazzetti lokali kollha tal-Ħadd.
Stqarrijiet Oħra:
PR261929
PRESS RELEASE BY THE NATIONAL AUDIT OFFICE National Audit Office Malta hos...
PR261928