Left arrow Mur Lura

Proġett li se jikkontribwixxi għall-RIġenerazzjoni tal-belt Valletta

PR1556
Date Icon 06/11/2002

Il-Ministru għar-Riżorsi u l-Infrastruttura, l-Onor. Dr. Francis Zammit Dimech illum ghamel zjara fuq il-progett tal-Cruise Liner Passenger Terminal. Il-Ministru beda biex fakkar li l-mozzjoni dwar it-trasferiment ta’ l-art lill-konsorzju VISET għaddiet mill-Parlament f’Lulju tas-sena l-oħra u li għalhekk fi żmien qasir ta’ sena sar il-kuntratt biex fl-aħħar ta’ l-2001 seta’ jibda x-xogħol proprju tal-bini.

Il-Ministru Francis Zammit Dimech qal li l-konsorzju kien qiegħed bħalissa jaħdem fuq ħames partijiet tal-proġett

Bini ta’ blokk biex ikunu akkomodati dawk in-negozji li se jintlaqtu mill-proġett. Il-bini tal-blokk tlesta u se jiġbor fih disa’ proprjetajiet ta’ nies li kellhom il-bini tagħhom jew bini b’kera fl-inħawi milquta mill-proġett.

Faċilitajiet temporanji għall-passiġġieri. Dawn tlestew u qed jintużaw sew mill-eluf ta’ turisti li qed iżuru Malta fuq cruise liners kif ukoll minn dawk il-passiġġieri li jużaw is-Sea Passenger Terminal.

Bini ta’ triq ġdida li tgħaqqad il-Marsa mal-belt Valletta biex titneħħa t-triq preżenti li se tifforma parti mill-proġett tal-Cruise Passenger Terminal. Ix-xogħol beda. It-triq se tgħaddi minn wara l-imħażen ta’ Pinto u Forni.

Restawr ta’ l-imħażen ta’ Pinto u Forni li se jiffurmaw parti ewlenija tal-proġett. Il-konsorzju VISET diġà ħareġ sejħa għal offerti għal dan ix-xogħol.

Uffiċji ġodda għall-Awtorità Marittima u għad-Dipartiment tal-Portijiet.

Il-Ministru għar-Riżorsi u l-Infrastruttura qal li l-proġett għall-bini tal-Cruise Liner Passenger Terminal mistenni jitlesta sas-sena 2005 u hu stmat li se joħloq madwar 400 impjieg permanenti. Hu qal li bir-ritmu li miexi x-xogħol jemmen li l-miri li għamel il-konsorzju se jintlaħqu.

Francis Zammit Dimech qal li dan il-proġett se jagħti kontribut ewlieni biex din il-parti tal-belt Valletta tiġi riġenerata u biex dawk kollha li jidħlu Malta permezz tal-port ikollhom l-ewwel impressjoni tajba ta’ gżiritna. Francis Zammit Dimech xebbaħ dan il-proġett ma’ dak tal-bini ta’ l-Air Terminal il-ġdid fejn illum il-passiġġier li jiġi Malta bl-ajru qed jieħdu impressjoni tajba tas-servizzi li jagħti pajjiżna lil dawk li jżuruh.

Il-Ministru Francis Zammit Dimech qal li t-turisti li jiġu Malta permezz tal- cruise liners kienu qed jiżdiedu b’mod inkoraġġanti. Fl-ewwel seba’ xhur ta’ din is-sena żaru Malta 166,702 turist permezz ta’ cruise liners. Dawn huma 34,183, jew 26 fil-mija aktar minn dawk li ġew fl-istess perjodu s-sena l-oħra. Hu fakkar li d-dehra ta’ tnejn jew tliet cruise liners fl-istess waqt fil-port saret ħaġa komuni u li dan l-aħħar qed nassistu għal okkażjonijiet fejn qed jidħlu fil-Port il-Kbir anke sitt cruise liners fl-istess jum. Il-Ministru Zammit Dimech qal li l-passiġġieri li jżuru Malta fuq cruise liners jħallu f’pajjiżna madwar Lm7 miljun fis-sena.

Francis Zammit Dimech qal li t-turiżmu tal-cruise liners hu niċċa oħra fis-settur turistiku li rridu nindukraw u nkabbru għaliex joħloq impjiegi u jħalli flus fil-pajjiż.

Il-Ministru għar-Riżorsi u l-Infrastruttura qal li l-bini, li għal bosta snin tħalla abbandunat, qed jingħata d-dehra li kellu fi żmien l-Ordni tal-Kavallieri ta’ San Ġwann. Barra minhekk kien qed isir titjib sostanzjali biex il-bini l-ġdid jintegra mal-qadim billi, filwaqt li se jsir użu sħiħ ta’ l-Imħażen ta’ Pinto u Forni u tal-Power Station il-Qadima, tinbena water plaza li tipprovdi dak kollu meħtieġ għal divertiment barra.

Il-Ministru Francis Zammit Dimech qal li l-Ministeru tiegħu kellu relazzjonijiet mill-aqwa mal-konsorzju VISET. Relazzjonijiet li kienu qed jissarrfu fir-realizzazzjoni ta’ proġett li kien qed jitwettaq b’ritmu mgħaġġel.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 student jieħdu sehem fil-Malta Skills Championships 2026

PR261928

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 studen...

Aktar Stqarrijiet Right arrow