Left arrow Mur Lura

TKOMPLI L-ĦIDMA BIEX TOGĦLA L-KWALITÀ FIL-PRODUZZJONI AGRIKOLA

PR1447
Date Icon 18/10/2002

Il-Ministeru ta’ l-Agrikultura u Sajd ħejja pjan ta’ azzjoni biex jassigura li l-bdiewa Maltin ikunu konformi mal-livelli tal-Eurepgap għall-iżvilupp ta’ Prattiċi Agrikoli Tajbin fil-produzzjoni ta’ patata mkabbra għall-esportazzjoni.

Dan ħabbru l-Ministru għall-Agrikultura u Sajd Ninu Zammit meta, fil-Pitkalija dalgħodu, tkellem fis-sessjoni finali ta’ programm ta’ taħriġ għal uffiċjali u impjegati tekniċi mid-Dipartiment ta’ l-Agrikultura. Kienu preżenti wkoll rappreżentanti mill-Assoċjazzjoni tal-Bdiewa, mill-Għaqda Bdiewa Progressivi u mill-Kooperattiva Ċentrali tal-Bdiewa li kienu mistiedna jattendu għall-kors bħala osservaturi biex ikunu f’pożizzjoni li jinfurmaw lill-membri tagħhom xi tfisser iċ-ċertifikazzjoni tal-Eurepgap u l-importanza tagħha.

Il-Ministru Zammit spjega li dawn il-livelli ta’ kwalità, ta’ Prattiċi Agrikoli Tajbin, qed jintalbu mill-kumpanniji kbar Ewropew tas-supermarkets u allura hu d-dover tal-Ministeru li jassigura li l-bdiewa li jkabbru l-patata, u anki eventwalment prodotti oħra, għall-esportazzjoni jingħataw it-taħriġ meħtieġ biex jimxu ma’ dawn l-istandards.

Hu semma wkoll li fis-snin li ġejjin ħafna mis-supermarkets u ħwienet Ewropej se jibdew ibigħu biss dawk il-prodotti agrikoli li jkollhom iċ-ċertifikat tal-Eurepgap. L-iskopijiet prinċipali ta’ dan iċ-ċertifikat huma li l-konsumatur jibqa’ jkollu fiduċja fil-kwalità u s-sigurtà tal-prodotti ta’l-ikel, li jonqos l-impatt negattiv fuq l-ambjent, li jonqos l-użu ta’ kimiċi li jagħmlu ħsara, li titjieb l-effiċjenza fl-użu ta’ riżorsi naturali u li jkunu assigurati s-saħħa u s-sigurtà tal-ħaddiem.

Il-Ministru Zammit qal li biex il-bdiewa jiġu mħarrġa jilħqu dawn l-instandards, sar ftehim ma’ kumpannija Olandiża li tispeċjalizza fil-kontroll tal-kwalità u s-sigurtà fl-ikel, biex tħejji programmi ta’ taħriġ għal uffiċjali mid-Dipartiment ta’ l-Agrikultura. L-iskop hu li dawn l-uffiċjali jiffamiljarizzaw ruħhom mar-regolamenti tal-Eurepgap. Dawk li jtemmu l-kors b’suċċess jingħataw ċertifikat li permezz tiegħu jkunu jistgħu jibdew iħarrġu lill-bdiewa.

Dawk li segwew dan l-ewwel kors b’suċċess se jkunu assenjati lokalitajiet speċifiċi fejn titkabbar il-patata f’Malta u Għawdex u huma jagħżlu numru ta’ bdiewa f’dik il-lokalità biex iħarrġuhom u jagħtuhom pariri tul l-istaġun tat-tkabbir tal-patata. B’hekk inkunu qbadna t-triq biex jingħata l-għarfien li l-patata esportata minn Malta tkun tkabbret minn bdiewa ċertifikati mill-Eurepgap.

Il-ħsieb hu, qal il-Ministru Zammit, li l-bdiewa kollha li jkabbru l-patata għas-safar ikunu ċertifikati mill-Eurepgap fi żmien sentejn.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 student jieħdu sehem fil-Malta Skills Championships 2026

PR261928

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 studen...

Aktar Stqarrijiet Right arrow