Left arrow Mur Lura

STQARRIJA KONGUNTA MILL-MINISTERU TA’ L-INTERN U L-AMBJENT U L-MINISTERU TAL-GUSTIZZJA U GVERN LOKALI

PR1409
Date Icon 12/10/2002

Hamadi Bouahia, it-Tuneżin suspettat b’assoċjazzjoni mal-grupp terrorista Al Qaeda, għażel li jiġi mgħoddi lill-awtoritajiet Taljani wara talba għall-arrest għall-eventwalita ta’ estradizzjoni mill-Interpol Taljana. Din it-talba saret nhar l-10 ta’ Ottubru, 2002. 

Hamadi Bouhaia kien arrestat mill-Pulizija Maltija immexxija mill-Assistant Kummissarju Andrew Seychell, l-ispetturi Neville Xuereb, Chris Pullicino u Jeffrey Azzoppardi, f’ Paceville nhar il-Ħamis. 

L-Uffccju tal-Avukat Ġenerali, permezz tad-deputat Avukat Ġenerali Silvio Camilleri u l-Avukat Donatella Frendo Dimech, li kienu responsabbli mill-każ, għamel talba għall-arrest proviżorju f’termini ta’ Sezzjoni 14 ta’l-Att dwar l-Estradizzjoni. 

Il-Qorti, ppresduta mill-Maġistrat Giovanni Grixti laqgħet din it-talba, u wara li ħareġ il-mandat, issoktaw l-investigazzjoniet u l-interrogazzjonijiet mill-Ispettur Neville Xuereb. 

Bouahia dalgħodu fil-preżenza tal-Assistant Kummissarju Andrew Seychell u l-ispettur Neville Xuereb u Dr. Frendo Dimech, għamel dikjarazzjoni ġuramentata, u għażel li jiġi mgħoddi lill-aworitajiet Taljani wara li ġie mfiehem b’mod dettaljat, l-akkużi kollha li ser jiffaċja fl-Italja. Dawn jinkludu falsifikazzjoni ta’ dokumenti, li rċieva oġġetti misruqa, u assoċjazzjoni ma organizzazzjonijiet terroristiċi. 

Huwa ħalla Malta illum fis-1.30pm.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

Aktar Stqarrijiet Right arrow