Left arrow Mur Lura

Iċ-Ċentru ta’ l-M.C.A.S.T. f’Għawdex jilqa’ l-ewwel studenti tiegħu

PR1388
Date Icon 09/10/2002

"Hekk kif is-sena l-oħra l-MCAST fetaħ il-bibien tiegħu għall-ewwel darba f’Malta, min-naħa tiegħi ħdimt bis-sħiħ sabiex anki f’Għawdex jiġu offruti korsijiet sabiex l-istudenti Għawdxin ma jkollomx żvantaġġ f’dan ir-rigward meta mqabblin ma’ sħabhom f’Malta.” Dan qalitu l-Ministru għal Għawdex Giovanna Debono meta dalgħodu ndirizzat lill-istudenti li matul din il-ġimgħa bdew jattendu l-ewwel sena ta’ korsijiet li ċ-Ċentru ta’ l-MCAST f’Għawdex qiegħed joffri.

Dan l-ewwel Ċentru tal-MCAST f’Għawdex qiegħed joffri pakkett ta’ korsijiet li qed jagħmel il-korsijiet vokazzjonali ta’ dan il-kulleġġ aktar aċċessibbli għaż-żgħażagħ u adulti Għawdxin. B'hekk Għawdex ser ikollu mhux biss iċ-Ċentru ta' l-Universita' iżda wkoll iċ-Ċentru ta' l-MCAST li hu maħsub li fuq firxa ta' snin jiżviluppa f'Kulleġġ ta' l-għola kwalita'.

"Matul is-sena li għaddiet, jiġifieri fl-ewwel sena ta’ l-operat tiegħu, l-MCAST offra l-korsijiet f’Għawdex miċ-Ċentru tad-Diviżjoni ta' l-Edukazzjoni fir-Rabat għall-iStudji Avvanzati, Sir Mikelanġ Refalo. Issa l-korsijiet ser jiġu offruti mill-Campus ta' l-MCAST f'Għawdex li ġie organizzat fil-Kumpless ta’ l-Iskejjel fix-Xagħra.

Matul l-aħħar xhur saret ħidma intensiva sabiex isiru x-xogħlijiet meħtieġa u issa dan iċ-Ċentru jista’ jibda jilqa’ l-ewwel studenti tieħgu. Iċ-Ċentru se jkollu faċilitajiet estensivi f'wieħed mill-blokki tal-Kumpless fix-Xagħra. Sar xogħol biex iċ-Ċentru ta' l-MCAST f'Għawdex ikun mgħammar b'dawk il-faċilitajiet li huma meħtieġa biex il-Kulleġġ iħarreġ u jeduka zgħazagħ u adulti fil-korsijiet li se jiġu organizzati f'Għawdex," kompliet il-Ministru Debono.

Il-Ministru Giovanna Debono qalet li b'dan il-pass qed tkompli titwettaq il-politika li jħaddan il-Ministeru għal Għawdex, li jsir dak kollu possibbli biex l-Għawdxin ikollhom l-aħjar opportunitajiet f'Għawdex stess. Il-Ministru semmiet kemm din il-politika qed tħalli frott fil-qasam edukattiv u dak tax-xogħol.

Dan jidher fin-numru dejjem jiżdied ta’ studenti ta’ kull eta’ li qed jattendu ċ-Centru ta’ l-Univerista’ ta’ Malta f’Għawdex, iċ-Ċentru għal Studji Avvanzati Sir M. A. Refalo, kif ukoll l-iskejjel ta’ l-Arti, Mużika u Drama u fl-impenn sħiħ li jinġieb Għawdex il-back office work ta’ diversi dipartimenti.

Għas-sena skolastika li jmiss ser jiġu offruti numru ta’ korsijiet li erbgħa minnhom qatt ma kienu offruti f’Għawdex qabel. Il-korsijiet il-ġodda huma:

  • MCAST Foundation Course fl-Elettronika
  • Kors ta’ Tekniku fid-Draughtsmanship
  • Diploma Nazzjonali fl-Istudji tal-Komputer
  • Ċertifikat fir-Retaling

Il-Ministru Debono temmet id-diskors tagħha billi awgurat lill-istudenti preżenti suċċess fil-karriera ta’ l-għażla tagħhom fil-waqt li rringrazzjat lill-manger taċ-centru, lill-għalliema u l-istaff amministrattiv għall-impenn tagħhom favur l-edukazzjoni f’Għawdex.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

Aktar Stqarrijiet Right arrow