Left arrow Mur Lura

IL-KUNSILL LOKALI TA’ ĦAD-DINGLI JERĠA’ JASSUMI R-RESPONSABBILTÀ LI JINFORZA L-LIĠI FIL-KONFINI TIEGĦU PERMEZZ TAL-GWARDJANI LOKALI

PR1382
Date Icon 09/10/2002

B'ordni fil-Gazzetta tal-Gvern, il-Kunsill Lokali ta' Ħad Dingli reġà assuma r-responsabbiltà li jinforza l-liġi fil-konfini tiegħu permezz tal-Gwardjani Lokali. Il-Kunsill Lokali ta' Ħad Dingli kien irtira mill-infurzar tal-liġi f'Jannar tas-sena li ghaddiet, ħames ġimgħat qabel l-elezzjonijiet tal-Kunsill Lokali li saru f'Marzu.

Dak inhar il-Kunsill kien qal li "r-residenti ta' Ħad Dingli huma fost l-aktar nies law abiding li jeżistu f'Malta" u għalhekk ma kienx hemm bżonn Gwardjani Lokali f'din il-lokalità. Il-Gvern kien stqarr li l-infurzar tal-liġi hu obbligu, m'hux għażla, u l-ħtiġijiet t'għassa fil-kampanja ta' Ħad Dingli kienu aktar milli jiġġustifikaw infurzar adegwat tal-liġi. Il-Kunsilli Lokali ġirien ta' Ħad Dingli għalhekk kienu laqgħu l-offerta tal-Gvern li jikkontrollaw il-Gwardjani f'Ħad Dingli huma.

Il-Kunsill Lokali ta' Ħad Dingli fil-ġranet li għaddew talab lill-Ministru għall-Ġustizzja u Gvern Lokali jikkonsidra jroddlu lura d-delega ta' l-infurzar tal-liġi fil-lokalità tiegħu.

Il-Ministru għall-Ġustizzja u Gvern Lokali, Austin Gatt, bagħat jifraħ lill-Kunsill ta' Ħad Dingli għad-deċiżjoni li jerġa' lura mill-pass irresponsabbli ta' Jannar 2001.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

Aktar Stqarrijiet Right arrow