Left arrow Mur Lura

LAQGĦA GĦALL-KAPIJIET TA’ L-ISKEJJEL FUQ IL-COMENIUS TAL-PROGRAMM SOKRATE

PR1349
Date Icon 04/10/2002

It-Taqsima tal-Programmi ta’ l-Unjoni Ewropea organizza seminar għall- kapijiet ta’l-iskejjel kollha ta’ Malta u Għawdex, kemm dawk primarji kif ukoll dawk sekondarji, dwar il-programm Comenius, fergħa tal-programm Sokrate ta’ l-Unjoni Ewropea.

Meta tkellem mal-kapijiet, l-Onor. Dr Louis Galea, Ministru ta’ l-Edukazzjoni, qal li matul l-ewwel ħames snin minn meta daħal fis-seħħ il-Comenius mal-10,000 skola mill-Unjoni Ewropea ipparteċipaw. Matul is-snin li ġejjin dan in-numru se jiżdied minħabba li se jiżdiedu mat-12 il-pajjiż ġdid bħala membri ta’ l-Unjoni Ewropea, fosthom Malta.

Fl-aħħar sena, f’Malta, fil-Comenius kien hemm 30 skola primarja li ħadu sehem - 17 tal-gvern (15 f’Malta u 2 f’Għawdex), 7 skejjel tal-knisja, 5 skejjel indipendenti u skola speċjali waħda. Mis-settur sekondarju, kien hemm 16-il skola li pparteċipaw - 12 tal-gvern, 2 tal-knisja u 2 indipendenti. Mis-settur post-sekondarju, kien hemm 4 skejjel - 3 tal-gvern u waħda tal-knisja. Dan juri total ta’ 50 skola li jirrapreżentaw madwar 25 fil-mija ta’ l-iskejjel f’Malta u f’Għawdex. Meta wieħed iqis id-daqs ta’ pajjiżna dan ifisser sehem kbir ħafna u jirrifletti l-entużjażmu ta’l-iskejjel kif ukoll tal-kapijiet u l-għalliema tagħhom biex jipparteċipaw fil-Comenius.

Dawn l-iskejjel Maltin ingħaqdu ma’ skejjel oħrajn li jinsabu fl-Unjoni Ewropea u f’pajjiżi kandidati biex iwettqu l-proġetti - b’kollox f’26 pajjiż. Dan iżid fid-diversita` u huwa l-ispirtu tal-Comenius li l-iskejjel ikunu miftuħa għall-kulturi ta’ l-oħrajn. Dan seta’ jsir permezz ta’ kuntatti bl-internet, telefon u posta bejn għalliema u studenti Maltin ma dawk Ewropej.

Il-Ministru qal li l-entużjamu tant kien intens li uħud mill-iskejjel inawguraw Comenius Rooms - fejn l-istudenti ikunu jistgħu jaħdmu fuq il-proġetti u jagħmlu wirjiet tax-xogħol tagħhom. Dawn l-inizjattivi ġew milqugħa tajjeb mit-tim tal-Comenius fil-Kummissjoni Ewropea.

Il-Ministru Louis Galea qal li l-iskejjel Maltin u Għawdxin jissaħħu u jitjiebu fil-kwalita` meta jitħalltu ma’ skejjel barranin. Mil-laqgħat li kellu ma’ l-istudenti, għalliema u kapijiet ta’ skejjel li qed jieħdu sehem fil-programm Comenius huwa fehem kemm isir ġid li minnu jgawdu ulied il-poplu. Wieħed mill-ewwel frott hu li meta l-Maltin marru barra ġew lura b’fiduċja u bi stima akbar fihom infushom. Mhux biss ġew rispettati fuq bażi ta’ ugwaljanza, iżda wkoll il-Maltin irrejalizzaw li għandhom ħafna pożittiv x’joffru lill-Ewropej dwar l-iżvilupp fl-esperjenza edukattiva Maltija.

Frott ieħor jien li l-iskambju ma’ skejjel Ewropej għen lil ħafna jwessgħu l-viżjoni tal-ħajja u japprezzaw aħjar il-ġid li joħroġ minn għarfien aħjar ta’ kulturi u rejaltajiet diversi kif

hemm fl-Ewropa. Il-Ministru Galea fisser kemm il-programm Comenius hu għodda importanti biex l-iskejjel iwettqu d-direzzjoni tal-Kurrikulu Nazzjonali li jrid li l-edukazzjoni Maltija toħroġ ’il barra mill-parametri ta’ mentalita` magħluqa u statika, u tidħol f’ambjent edukattiv miftuħ mimli għodda ġdida ta’ tagħlim. Louis Galea ħeġġeġ biex nisfruttaw l-opportunitajiet tal-Programmi Edukattivi ta’ l-Unjoni Ewropeja għax dan jgħin lil uliedna jitgħallmu aktar bi tħejjija għall-ħajja.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

Aktar Stqarrijiet Right arrow