SILTIET MID-DISKORS TA’ L-ONOR GEORGE PULLICINO, SEGRETARJU PARLAMENTARI FIL-MINISTERU TA’ L-INTERN U L-AMBJENT, WAQT OPERAZZJONI TA’ TINDIF MILL-AWTORITÀ TA’ MALTA DWAR L-AMBJENT U L-IPPJANAR FIL-BAHRIJA – 20/09/2002
L-Awtorità ta’ Malta dwar l-Ambjent u l-Ippjanar qed tonfoq madwar Lm100,000 f’sena f’azzjonijiet diretti li taghmel hija stess wara li s-sidien ta’ l-art fejn isir zvilupp illegali ma jkunux hadu l-passi mehtiega biex inehhu l-izvilupp illegali huma stess. L-Awtorità mbaghad tibda proceduri biex tigbor dawn il-flejjes minghand is-sidien ta’ l-art izda kultant dan jiehu hafna zmien. Is-sidien ta’ zvilupp illegali qed jaghrfu wkoll illi jaqblilhom inehhu l-izvilupp illegali huma stess ghax hekk l-operazzjoni ta’ tnehhija tigihom orhos. F’ dawn l-ahhar erba’ snin kienu iktar minn elf dawk l-istrutturi li tnehhew mis-sidien stess.
Pajjizna qatt ma ra twaqqiegh ta’ bini illegali u operazzjonijiet ta’ tindif bhal dawn l-ahhar erba’ snin. L-operazzjonijiet ta’ twaqqiegh u tindif qed isiru b’mod konsistenti. Anke t-tip ta’ zvilupp illegali li qed jitnehha qed jizdied. F’din l-ahhar sena u nofs, per ezempju, tnehhew 16-il scrapyard minn Malta u 8 minn Ghawdex, process illi ghadu ghaddej u li qabel ma kontx tisma’ fuqu.
Hawnhekk nixtieq nirringrazzja lill-ufficjali ta’ l-infurzar ta’ l-Awtorità li ghandhom xoghol difficli u li kultant anke jigu mhedda mis-sidien ta’ zviluppi illegali. Ix-xoghol taghhom izda huwa apprezzat hafna ghax huwa minhabba xogholhom illi llum dahlet il-kultura li ma taqbadx taghmel zvilupp bla permess kif gie gie. It-tfigh ta’ terrapien fil-kampanja ghadu problema kbira ghax minkejja illi hafna drabi jsiru operazzjonijiet ta’ tindif ftit wara dawn il-postijiet jergghu isiru mizbliet.
Ghalhekk nappella ghal responsabbiltà civika minghand kull cittadin. Huwa importanti illi wiehed, meta jara tfigh ta’ terrapien, jirraporta mal-ewwel lill-Awtorità u lill-kunsill lokali halli tittiehed azzjoni. Irridu nwaqqfu t-tfigh ta’ terrapien u mhux nigbruh biss. Nappella wkoll lil dawk il-kunsilli lokali li mhux dejjem jaraw l-indafa fil-kampanja bhala prijorità fil-programm taghhom. Hemm kunsilli lokali ohrajn li huma ezemplari fil-harsien taghhom tal-kampanja.
Illum f’hafna pajjizi tibda l-kampanja Clean Up The World. Din tal-lum hija attività fil-kuntest ta’ din l-attività mondjali. F’Malta il-kampanja wiesa’ ta’ inizjattivi ta’ tindif ambjentali li s-soltu ssir bhala parti mill-inizjattiva Clean Up the World se ssir ix-xahar id-diehel biex l-iskejjel ikunu jistghu jippartecipaw fit-tkabbir tal-kuxjenza favur ambjent ta’ kwalità oghla.
Stqarrijiet Oħra:
PR261929
PRESS RELEASE BY THE NATIONAL AUDIT OFFICE National Audit Office Malta hos...
PR261926