Left arrow Go Back

Restawr ta’ Bieb il-Bombi

PR1264
Date Icon 18/09/2002

Il-Unit għar-Restawr fi ħdan id-Dipartiment tal-Kostruzzjoni u Manutenzjoni tal-Ministeru tar-Riżorsi u l-Infrastruttura bħalissa qed jirrestawra l-munument nazzjonali ta’ Bieb il-Bombi.

Ix-xogħol ta’ restawr fuq Bieb il-Bombi qed isir f’erba’ fażijiet biex kemm hu possibbli ma jiġix ostakolat it-traffiku. Sa tarf din il-ġimgħa se tkun tlestiet l-ewwel fażi tal-proġett li tinkorpora l-parti ta’ fuq tan-naħa ta’ wara ta’ Bieb il-Bombi. Minn nhar it-Tnejn 23 ta’ Settembru se tibda t-tieni fażi tal-proġett bir-restawr tan-naħa tal-lemin ta’ Bieb il-Bombi ( tiela’ lejn il-belt Valletta mill-Blata l-Bajda).

Biex ikunu mgħejjuna s-sewwieqa jevitaw traffiku li jista’ b’xi mod jintlaqat minn dan il-proġett se jittellgħu sinjali f’diversi lokalitajiet li juru devjazzjonijiet li jistgħu jieħdu s-sewwieqa biex jevitaw li jinqabdu fi traffic jams.

Il-proġett ta’ restawr ta’ Bieb il-Bombi hu mistenni li jieħu b’kollox sitt xhur u li jitlesta f’Marzu ta-sena d-dieħla. Ix-xogħol fuq il-proġett se jitwaqqaf bejn it-12 ta’ Diċembru 2002 u l-5 ta’ Jannar 2003 biex ma jkunx ostakolat it-traffiku lejn il-Belt u lura fil-ġranet ta’ festa.

Ix-xogħol ta’ restawr ta’ Bieb il-Bombi qed isir minn kuntrattur privat taħt is-superviżjoni ta’ uffiċjali mill-Unit għar-Restawr.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

More Press Releases Right arrow