Left arrow Mur Lura

Il-Ġenituri u l-Iskejjel

PR1258
Date Icon 17/09/2002

F'konferenza tal-membri tal-Assoċjazzjoni Ewropea tal-Ġenituri (EPA) f'Bilboa, Spanja, l-Assoċjazzjoni Kunsilli ta' l-iSkejjel (AKS) saret membru sħiħ tal-EPA. Flimkien l-assoċjazzjonijiet membri tal-EPA qed iniedu programm ta' attivitajiet li jwasslu għall-ġurnata Ewropea tal-Ġenituri u l-Iskola, li se ssir fit-8 ta' Ottubru 2002.

L-EPA iddikjarat it-8 ta' Ottubru bħala il-"Jum Ewropew tal-Ġenituri u l-Iskejjel" bl-iskop li l-ġenituri u l-għalliema jagħrfu dejjem aktar il-ħtieġa li jaħdmu flimkien għall-ġid tat-tfal. F'dan l-ewwel Jum Ewropew tal-Ġenituri u l-Iskejjel, l-edukaturi u l-ġenituri għandhom jirriflettu fuq ħidmithom favur l-Iżvilupp shih ta' uliedna.

Il-Kumitat Organizzattiv immexxi mill-Office of Review fi ħdan il-Ministeru ta' l-Edukazzjoni u li jinkludi d-Diviżjoni ta' l-Edukazzjoni, l-AKS, l-MUT, l-Assoċjazzjoni Ġenituri Skejjel tal-Knisja, l-iSkejjel Speċjali, il-Focus Group "Parental Involvement and Schools as Community Centres", il-Focus Group "Democracy in Schools" u l-Fondazzjoni għal Servizzi Edukattivi, qed jorganizzaw numru ta' attivitajiet fuq skala nazzjonali, filwaqt li kull skola se tkun qed torganizza attivita' fil-komunita' lokali.

F'dawn il-ġranet il-Kumitat Organizzattiv qed iqassam materjal informattiv dwar l-attivitajiet li se jiġu organizzati kif ukoll posters uffiċjali tal-EPA dwar il-"Jum Ewropew tal-Ġenituri u l-Iskejjel". Ta' min wieħed jinnota li fil-Poster uffiċjali li ħarġet l-EPA il-"European Day of Parents and School" ġiet tradotta fl-ilsna kollha tal-pajjiżi li qed jipparteċipaw inkluż bil-Malti.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

Aktar Stqarrijiet Right arrow