Left arrow Mur Lura

SE JSIR F’MALTA L-EWWEL KORS FL-EWROPA GĦALL-DIPLOMA F’ARKITETTURA BAROKKA

PR1243
Date Icon 13/09/2002

Il-Ministru għar-Riżorsi u l-Infrastruttura Francis Zammit Dimech dalghodu ippreżenta pre-tertiary Institute Certificate f’kors f’Arkittetura Barokka immexxi mill-Istitut Internazzjonali għal Studji Barokki fl-Universita’ ta’ Malta u ħabbar li l-Istitut Internazzjonali għall-Istudju Barokk fl-Universita’ ta’ Malta, bil-koperazzjoni tal-Ministeru għar-Riżorsi u l-Infrastruttura, f’Ottubru li ġej se jniedi l-ewwel kors fl-Ewropa għal Diploma fl-Arkitettura Barokka. Dan il-kors, li se jsir fl-Universita’ ta’ Malta, se jissuplimenta l-korsijiet għat-tieni ċertifikat u r-raba’ MA fl-Istudji Barokki li qed jitmexxew minn dan l-Istitut. Dan ifisser li l-Istitut se jkun responsabbli għal madwar 50 student. Hu qal li dawn il-korsijiet jinkludu serje ta’ seminars immexxija minn lecturers barranin mistiedna mill-Istitut. Dan ukoll kien juri d-dimensjoni internazzjonali ta’ l-istudji tal-barokk.

Il-Ministru għar-Riżorsi u l-Infrastruttura qal li l-Gżejjer Maltin joffru repertorju vast ta’ bini u fortifikazzjonijiet stil Barokk li jmorru lura għas-Sbatax u t-Tmintax-il Seklu. Dawn huma wirt tal-ħakma tal-Kavallieri ta’ San Ġwann. Hu qal li l-programm vast ta’ restawr ta’ dan il-bini fil-qafas tal-proġetti ta’ riabiltazzjoni tal-belt Valletta u l-Floriana, il-Kottonera u l-Imdina jinneċesita’ tagħrif fil-fond ta’ l-istorja u ta’ l-aspettit tekniċi varji ta’ l-arkitettura Barokka li mingħajrhom ebda proġett ta’ restawr ma jagħmel sens.

Francis Zammit Dimech qal li kien għalhekk li l-Istitut Internazzjonali ta’ l-istudju Barokk ta’ l-Universita’ ta’ Malta ħa l-inizjattiva, bil-koperazzjoni u l-appoġġ tal-Ministeru għar-Riżorsi u l-Infrastruttura, li jibda f’Ottubru tas-sena l-oħra l-ewwel kors li qatt sar għal ċertifikat fl-arkitettura Barokka. Hu qal li dan il-kors kien miftuħ għal dawk kollha li huma interessati li jitgħallmu aktar dwar l-arkitettura Barokka biex jifhmu aħjar is-sinifikat ta’ interventi ta’ restawr li jinvolvu dan l-istil arkitettoniku li jkopri 75 fil-mija taċ-ċentri storiċi ta’ pajjiżna.

Il-Ministru Francis Zammit Dimech qal li kien infurmat mid-Direttur ta’ l-Istitut il-Professur Denis de Lucca li dan il-kors inkwadra tajjeb fil-programm ta’ l-Istitut Internazzjonali ta’ l-Istudji tal-Barokk. Francis Zammit Dimech fakkar li dan il-programm jiġbor programm estensiv ta’ riċerka bażata fuq pubblikazzjonijiet u tliet livelli ta’ tagħlim li jinkludu livelli ta’ Ċertifikat, Diploma u Post-graduate Mastership. Dan minbarra seminars, konferenzi u wirjiet dwar il-wirt Ewropew tal-Barokk.

Francis Zammit Dimech qal li kien konxju li l-istudenti li kienu se jirċievu ċ-ċertifikat illum ħadmu iebes biex jiksbuh aktar u aktar meta l-istudju intensiv sar flimkien mal-ħidma li dawn l-ħaddiema riedu jagħmlu fit-Taqsima tax-Xogħlijiet kif riedu jagħmlu ukoll ħaddiema oħra minn entitajiet oħra. Hu qal li sew il-Professur De Lucca kif ukoll il-koordinatur tal-programm ta’ l-istudji l-Perit Hermann Bonnici urew is-sodisfazzjoni tagħhom għar-riżultati miksuba u għal mod kif marru l-istudenti fid-diversi assignments li ngħataw. Francis Zammit Dimech fakkar li l-kors kien jinkludi study tour ta’ Noto li kien żgur li ta lill-istudenti l-opportunita’ li jammiraw l-arkitettura Barokka mil-isbaħ ta’ din il-belt fi Sqallija li nbniet wara t-terremot qawwi ta’ l-1693 li wassal ukoll biex bini fl-Imdina u fil-belt Valletta ġarrbu ħsarat.

Il-Ministru għar-Riżorsi u l-Infrastruttura irringrazzja lill-Professur De Lucca li ħa l-inizjattiva biex jorganizza dan il-kors, lill-Perit Herman Bonnici li kkoordina l-kors f’isem l-Istitut Internazzjonali ta’ l-Istudji fil-Barokk u lill-Perit Vincent Cassar, Direttur Ġenerali tat-Taqsima tax-Xogħlijiet fil-Ministeru tar-Riżorsi u l-Infrastruttura li kien l-isponsor u li għen b’kull mod possibbli biex seta’ jsir dan il-kors li wassal għal Ċertifikat. Francis Zammit Dimech feraħ lill-istudenti li temmew b’suċċess dan il-kors li ħafna minnhom ser issa joqgħodu għal kors ta’ Diploma biex ikabbru l-għerf tagħhom fil-wirt Barokk.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

Aktar Stqarrijiet Right arrow