Delegazzjoni Ċiniża żżur lis-SegretarjU Parlamentari JESMOND Mugliett
Delegazzjoni mir-Repubblika Popolari taċ-Ċina li bħalissa tinsab fuq żjara f’Malta, dal-għodu għamlet żjara uffiċjali lis-Segretarju Parlamentari fil-Ministeru ta’ l-Edukazzjoni, il-Perit Jesmond Mugliett. Din id-delegazzjoni hija magħmula minn diversi uffiċjali tal-Ministeru tax-Xjenza u Teknoloġija taċ-Ċina.
Tul il-laqgħa, il-Perit Mugliett spjega dwar kif jaħdem il-Kunsill Malti għax-Xjenza u t-Teknoloġija, li huwa responsabbli għall-politika nazzjonali f’dan il-qasam. Huwa sostna li l-koperazzjoni internazzjonali fil-qasam ta’ riċerka teknoloġika hija l-mod kif pajjiż żghir bħal Malta jista’ jaqsam esperjenzi ma’ pajjiżi akbar u aktar avvanzati. Waqt din il-laqgħa uffiċjali Maltin flimkien ma’ delegazzjoni Ċiniża ddiskutew l-abbozz ta’ ftehim bilaterali għal koperazzjoni xjentifika u teknoloġika.
Il-Perit Mugliett żied jgħid li eżempju ċar ta’ koperazzjoni internazzjonali huwa l-Programm Finanzjarju ta’ l-Unjoni Ewropea għar-Riċerka, magħruf aħjar bħala l-FP5, u li minnu Malta irnexxielha tikseb ammont kbir ta’ fondi għall-proġetti speċifiċi.
Huwa temm billi ħabbar li ser jittieħdu inizjattivi sabiex fil-Programm li jmiss, FP6, ricerkaturi Maltin se jipproponu proġetti flimkien ma’ riċerkaturi Ewropej u Ċiniżi. Id-delegazzjoni Ċiniża sejra ddur diversi Istituti u Dipartimenti sabiex tara b’għajnejha l-potenzjal ta’ Malta f’dan il-qasam.
Minn naħa tiegħu Dr Zhang Zhiqin, il-kap tad-delegazzjoni Ciniza u Deputat Direttur tad-Dipartiment ghall-Koperazzjoni Internazzjonali fil-Ministeru tax-Xjenza u Teknoloġija qal li ċ-Ċina hija interessata li tkompli tibni fuq ir-relazzjonijiet eċċellenti eżistenti bejn iż-żewg pajjiżi sabiex ikun ta’ benefiċċju, kemm għal Malta kif ukoll għaċ-Ċina.
Huwa temm jirringrazzja lill-Kunsill Malti għax-Xjenza u Teknoloġija għall-merħba li ngħataw u talli ħadu ħsieb jorganizzawlhom programm eċċellenti ta’ laqgħat tul iż-żjara tagħhom f’Malta.
Fil-fatt, tul din il-ġimgha, id-delegazzjoni Ċiniża se tiltaqa’ fost l-oħrajn mal-Kunsill Malti għax-Xjenza u t-Teknoloġija, il-Pro-Rettur tal-Universita` ta’ Malta, diversi uffiċjali mill-Fakulta tax-Xjenza u mill-Fakulta ta’ l-Inġinerija ta’ l-Universita` ta’ Malta, uffiċjali minn The Edward de Bono Foundation (Malta), il-Federazzjoni ta’ l-Industrija, u mill-Kordin Business Incubation Centre (KBIC)
Other Press Releases:
PR261929
PRESS RELEASE BY THE NATIONAL AUDIT OFFICE National Audit Office Malta hos...
PR261926