TIĠDID TAL-KARTA TA’ L-IDENTITÀ - BORMLA
Il-Kummissarju tal-Pulizija u l-Kummissjonarju Elettorali Prinċipali jinfurmaw lill-pubbliku li ser isir it-tiġdid tal-Karti ta’ l-Identità fil-lokalità ta’ Bormla minn nhar it-Tlieta 10 ta’ sa nhar il-Ġimgħa 20 ta’ Settembru, 2002. Ma jsirx tiġdid nhar il-Ħadd 15 ta’ Settembru. F’dan il-perjodu ma jkunx jista’ jsir tiġdid għar-residenti ta’ Bormla fl-Uffiċċju tal-Karta ta’ l-Identità l-Belt Valletta.
It-tiġdid tal-Karta ta’ l-Identità ser isir fl-Iskola Sekondarja ‘Erin Serracino Inglott’, Triq Alessandra. Fic-Ċentru msemmi jistgħu jattendu biss ir-residenti ta’ Bormla. It-tiġdid qed isir għal dawk kollha li diġà għandhom Karta ta’ l-Identità. Dawk li ser japplikaw għall-ewwel darba ma jkunux jistgħu jagħmlu dan fiċ-Ċentru tal-lokalità tagħhom iżda jkunu jridu japplikaw fl-Uffiċċju tal-Karta ta’ l-Identità l-Belt, Valletta.
Għandha tiġi ppreżentata l-Karta ta’ l-Identità preżenti kif ukoll il-formola tat-tiġdid bl-informazzjoni mitluba, li qegħda tiġi mibgħuta lil kull min għandu jġedded l-Karta ta’ l-Identità. Il-ħinijiet li fihom isir it-tiġdid ser ikunu: fost il-ġimgħa bejn it-3.00 p.m. u s-7.00 p.m. Is-Sibt mit-8.00 a.m. sa nofsinhar.
Aktar dettalji dwar it-tiġdid u l-mili tal-formola jinsab fil-fuljetti li qegħdin jintbagħtu bil-posta mal-formola tat-tiġdid.
Il-Karta ta’ l-Identità l-ġdida tkun tista’ tiġi rtirata aktar ’l quddiem mill-Kunsill Lokali ta’ Bormla u ser jinħareġ avviż għall-istampa u jidher avviż dwar dan fil-gazzetti lokali kollha tal-Ħadd.
Other Press Releases:
PR261929
PRESS RELEASE BY THE NATIONAL AUDIT OFFICE National Audit Office Malta hos...
PR261926