IL-PRIM MINISTRU JHALLI MALTA GHAL ZJARA FL-AWSTRALJA U N-NEW ZEALAND
Il-Prim Ministru llum ħalla Malta għall-Awstralja u n-New Zealand fejn ser ikollu laqgħat mal-Prim Ministru tan-New Zealand, Helen Clark, kif ukoll mal-Prim Ministru ta’ l-Awstralja, John Howard. Matul iż-żjara fi New Zealand il-Prim Ministru ser ikollu laqgħat ukoll mal-Gvernatur Ġenerali ta’ New Zealand, Dame Silvia Cartwright, kif ukoll mal-Kap ta’ l-Oppożizzjoni, Bill English.
Fl-Awstralja, il-Prim Ministru ser ikollu laqgħat mal-President tas-Senat, Margaret Reid, l-iSpeaker tal-Kamra tar-Rappreżentanti, Neil Andrew, il-Ministru ta’ l-Affarijiet Barranin, Alexander Downer, kif ukoll il-Kap ta’ l-Oppożizzjoni, Simon Crean.
Fl-Awstralja, il-Prim Ministru ser jiltaqa’ ma’ membri tal-Komunitajiet Maltin f’Sdyney, Melbourne u Canberra, waqt li fi New Zealand ser jiltaqa’ mal-Komunità Maltija ta’ Wellington u Auckland.
Il-Prim Ministru jinsab akkumpanjat mid-Deputat Prim Ministru u Ministru għall-Politika Soċjali, Lawrence Gonzi u mill-Assistent Personali tiegħu, Richard Cachia Caruana.
Il-Prim Ministru mistenni lura Malta nhar il-Ġimgħa, 23 ta’ Awissu.
Stqarrijiet Oħra:
PR261926
STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...
PR261925EN