IL-KONVENZJONI DWAR IL-FUTUR TA' L-EWROPA

Il-Kabinett iltaqa` dalgħodu u ddeċieda li l-Professur Peter Serracino Inglott, Konsulent tal-Prim Ministru u li kien jokkupa l-kariga ta' Rettur fl-Università ta' Malta, ser ikun ir-rappreżentant tal-Gvern għall-Konvenzjoni dwar il-Futur ta' l-Ewropa.

Wara li nhar it-Tnejn, 28 ta' Jannar, il-Parlament approva unanimament ir-riżoluzzjoni dwar il-Konvenzjoni dwar il-Futur ta' l-Ewropa, il-Prim Ministru innomina lil Onorevoli Dr Michael Frendo biex jirrappreżenta lin-naħa tal-Gvern tal-Parlament f'din il-Konvenzjoni.

Is-Sur John Inguanez, Direttur (Policy), fi ħdan id-Direttorat ta' l-Unjoni Ewropea ser ikun is-sostitut tal-Professur Serracino Inglott filwaqt li l-Onorevoli Dolores Cristina ser tkun is-sostituta ta' l-Onorevoli Michael Frendo.