KUNDANNA GĦALL-QTIL TAĊ-ĊINJI

Il-Ministeru għall-Ambjent jikkundanna bil-qawwa kollha l-qtil ta' sitt ċinji fil-bajja ta' San Tumas nhar il-Ħadd wara nofsinhar.

Il-Ministeru għall-Ambjent qal li baqa' ixxukkjat minn dan l-att barbaru li wera li għad hemm uħud li jidhrilhom li jistgħu jiksru l-liġi bħallikieku mhu qed jiġri xejn. Inċidenti bħal dawn jagħmlu ħsara mhux biss lid-delizzju tal-kaċċa iżda wkoll lill-pajjiż. Min għamel dan l-att, apparti milli kiser il-liġi bl-aktar mod sfaċċat, mexa wkoll bl-aktar mod inuman u anti-soċjali.

Il-Ministeru għall-Ambjent jifrah ukoll lill-Korp tal-Pulizija li ħa l-passi mmedjati biex inqabdu l-persuni li qatlu dawn ic-cinji u li issa se jitressqu l-Qorti biex jittieħdu kontrihom dawk il-passi li titlob il-liġi.