STEERING COMMITTEE DWAR IL-HOLQIEN TA' SKEMI GHALL-PARKEGG GHAR-RESIDENTI U GHAZ-ZONI KUMMERCJALI - L-EWWEL RIZULTATI MILL-PROGETT PILOTA FIR-RABAT U L-FONTANA

Mill-ewwel analizi li saret fir-Rabat u l-Fontana, Ghawdex, fejn il-gimgha li ghaddiet bdiet skema bi prova ghall-kontroll tal-parkegg, jirrizulta li anke fl-aktar hinijiet biezla tal-gurnata qed jinholoq spazju gdid ghall-parkegg ghax-xerrejja u ghar-residenti f'dawn iz-zoni.

Jirrizulta fil-fatt li f'hafna toroq u pjazez tac-centru storiku u kummercjali tar-Rabat u l-Fontana l-parti l-kbira tas-sewwieqa qed jirrispettaw il-limitazzjonijiet fuq il-parkegg skond ir-regolamenti l-godda, anke jekk fl-ewwel granet ta' l-iskema il-Gwardjani Lokali u l-Pulizija kienu qed johorgu biss avvizi lil dawk li m'obdewx ir-regolamenti.

F'gurnata ta' xoghol f'hames minuti wara l-ghaxra ta' fil-ghodu, erba' karozzi hallew spazji vojta fi Pjazza San Frangisk. Dawn l-ispazji ntuzaw minn nies li qdew qadja jew xirja qasira ta' siegha u wara siegha regghu hallew l-ispazju ghal haddiehor. Gimghatejn ilu ma kontx tista' timmagina li fl-ghaxra ta' fil-ghodu ssib tipparkja fi Pjazza San Frangisk, anke ghal qadja qasira.

Bl-istess mod, fl-istess gurnata u fl-istess hin, fi Pjazza Santu Wistin kien hemm hames spazji vojta, fejn qabel din il-pjazza kienet tkun mimlija bil-karozzi, anke b'karozzi pparkjati hazin. Terz tal-karozzi pparkjati fi Pjazza Santu Wistin fl-ghaxra ta' fil-ghodu ta' gurnata fost il-gimgha kienu qed juru l-arlogg tal-hin ta' l-ipparkjar. Dan ifisser li f'xi hin fis-saghtejn li kien imiss, terz tal-karozzi fi Pjazza Santu Wistin hallew spazju ghal haddiehor biex jipparkja wkoll.

L-istess analizi turi per ezempju li toroq bhal Triq Dun Pawl Micallef u Triq Ninu Cremona kellhom nofshom vojta bi spazju ghall-karozzi tax-xerrejja.

Dawn ir-rizultati inizjali mistennija jissahhu aktar meta dawk li jaghzlu li ma jobdux ir-regolamenti jiffaccjaw il-penalitajiet li tahseb il-ligi u ghalhekk jizdied aktar l-ispazju ghax-xerrejja li jridu jzuru r-Rabat u l-Fontana ghall-qadi u x-xiri taghhom.

Jirrizulta wkoll li numru sew t'impjegati li jahdmu fir-Rabat u l-Fontana qed jaghzlu li jmorru fi gruppi zghar fl-istess karozza minflok kulhadd qed juza l-karozza tieghu ghal rasu. Dan biex jilhqu l-ispazji li hemm ghalihom fil-parkegg ta' wara t-terminus tal-karozzi tal-linja jew l-aktar spazji qrib l-ufficju taghhom fiz-zona tar-Rabat u l-Fontana fejn m'hemmx limitazzjonijiet fuq il-hin tal-parkegg. Dan ukoll hu pozittiv ghax qed ifisser li l-istess numru ta' nies qed jitwasslu lejn il-kapitali Ghawdxija f'anqas karozzi, li jfisser anqas kongestjoni tat-traffiku u anqas emissjonijiet ta' dhahen ta' hsara ghas-sahha u ghall-ambjent.

L-iSteering Committee qieghed kostantament jissorvelja dak li qed jigri f'din l-iskema u jikkonsidra s-suggerimenti kollha li qed isirilu ghal titjib. Xi whud minn dawn is-suggerimenti digà kienu implimentati, ohrajn qed ikunu kunsidrati. Matul Jannar ser isiru wkoll laqghat ta' konsultazzjoni pubblika biex jingabru ahjar il-veduti varji dwar din il-materja. Sa dak inhar ser issir aktar analizi statistika dwar l-imgieba tas-sewwieqa u kif il-bidla f'din tejjbet il-kwalità tal-hajja tar-residenti tac-centru storiku, u ta' l-attività tac-centru kummercjali.

Sadanittant il-Ministeru tal-Gustizzja u Gvern Lokali jistieden lil dawk kollha li ghandhom xi suggeriment biex jcemplu fuq 0800 77 23 73