L-KABINETT JESPRIMI SOLIDARJETÀ

Waqt li kien qed jiltaqa’ dalgħodu, il-Kabinett ġie infurmat bid-delitt serju ta’ qtil ta’ Pulizija Roger Debattista (PS 949), waqt hold-up f’bank Ħal Qormi.

Filwaqt li l-Kabinett esprima solidarjeta’ mal-qraba tal-vittma, u l-kundanna għal dan ir-reat faħxi, huwa saħaq fuq il-ħtieġa li min kien responsabbli għal dan id-delitt, jinġieb quddiem il-ġustizzja, ħalli jieħu dak li ħaqqu.

L-impenn tal-Korp tal-Pulizija fil-ġlieda kontra l-kriminalita’ għadu u sejjer ikompli. Il-Kabinett awgura li ma jdumx ma jiġi solvut dan ir-reat