ĦSARAT FIS-SISTEMA TAD-DRENAĠĠ F'MARSAXLOKK

Tard nhar is-Sibt bil-lejl, żviluppat ħsara fis-sistema tad-drenaġġ li twassal għall-Pumping Station ta' Marsaxlokk, bir-riżultat li d-drenaġġ beda jfur fit-triq. Din il-ħsara ssewwiet il-Hadd filgħodu.

Aktar tard nhar il-Ħadd żviluppat ħsara oħra fir-rising main fl-istess lokalità u l-haddiema mid-Dipartiment tad-Drenaġġ immedjatament bdew isewwu din il-ħsara. B'riżultat ta' din il-ħsara kellha tingħalaq il-pumping station, filwaqt li l-ħsara ssewwiet u s-sistema tad-drenaġġ reġgħet ġiet għan-normal.

Sadattant id-Dipartiment tad-Drenaġġ qed jagħmel l-investigazzjonijiet neċessarji biex jistabilixxi x'wassal għal din il-ħsara