HIDMA MID-DIPARTIMENT GHALL-HARSIEN TA' L-AMBJENT DWAR RQAJJA' TA'DIESEL F'BIRZEBBUGIA.

Tard il-bieraħ bil-lejl id-Dipartiment għall-Ħarsien ta' l-Ambjent kien infurmat b'riħa qawwija ta' diesel fil-bajja ta' Birżebbuġia. Immedjatament ħaddiema mill-istess dipartiment marru fuq il-post biex jindagaw minn xiex kienet ġejja din ir-riħa.

Kmieni dalgħodu intlemħu rqajja' ta' diesel fil-baħar u bdiet ħidma immedjata biex iż-żejt jinġabar. Sadattant ir-riħ qaleb Majjistral u mbotta l-irqajja' li kien għad baqa' barra l-bajja.

Id-Dipartiment għall-Ħarsien ta' l-Ambjent qed jagħmel investigazzjonijiet biex ikun stabbilit l-oriġini ta' dan id-diesel.