PASSI IMMEDJATI MID-DIPARTIMENT TAD-DRENAĠĠ WARA LI ĊEDIET PARTI MINN TRIQ FIL-FGURA

Dalgħodu ċediet parti minn Triq Mater Boni Consilii, fil-Fgura, bir-riżultat li nfaqgħet is-sistema tad-drenaġġ. Id-Dipartiment tad-Drenaġġ ħa l-passi neċessarji immedjati biex inaddaf l-inħawi, jagħmel l-istħarriġ meħtieġ u jibda x-xogħol ta' tiswija.

Id-Dipartiment tad-Drenaġġ fi ħdan il-Ministeru għall-Ambjent jiddispjaċieħ għal kull inkonvenjent li nħoloq lir-residenti.