FTUH TA' L-UFFICCJU TAD-DWANA FL-IMGARR, GHAWDEX

Il-Kontrollur tad-Dwana javza li minn nhar l-Erbgha, 16 ta' Mejju 2001 sakemm johrog avviz iehor, ser jinfetah ufficcju tad-Dwana fl-Imgarr, Ghawdex, biex dawk il-Yachts li jkunu gejjin min xi port barra mill-gzejjer Maltin u jkunu jixtiequ jibqghu sejrin dritt fil-Yacht Marina ta' l-Imgarr, ikunu jistghu jaghmlu l-proceduri tal-pratka l-Imgarr stess. Dan jghodd ukoll ghal dawk il-Yachts li jkunu jridu jsiefru direttament minn Ghawdex.

Il-hinijiet tal-ufficcju ser ikunu bejn it-8 ta' filghodu u l-5 ta' filghaxija, matul il-granet kollha u ghalhekk dawk il-Yachts li jaslu jew irridu jitilqu barra dawn il-hinijiet iridu jmorru l-Ufficcju tad-Dwana, il-Baggage Room, Gun Wharf, Malta, li jkun miftuh 24 siegha kuljum.