STQARRIJA MID-DIVIZJONI TAS-SAHHA DWAR IS-SALA NUMRU 2 F'ISPTAR MONTE CARMELI

STQARRIJA MID-DIVIZJONI TAS-SAHHA DWAR IS-SALA NUMRU 2 F'ISPTAR MONTE CARMELI

B'riferenza ghall-artikli li dehru fil-gurnali dwar is-sala numru 2 fl-isptar Monte Carmeli id-Divizjoni ta-Sahha thoss li ghandha ticcara xi affarijiet li gew raportati li ntqalu mis-Segretarju Generali tal-Malta Union of Midwives & Nurses (MUMN).

Kif diga stqarr id-Direttur Generali tas-Sahha, in-numru ta' pazjenti li jinsabu fis-sala numru 2 ta' l-isptar Monte Carmeli, fil-prezent huwa aktar minn dak li normalment tiehu din is-sala. Dan huwa minhabba l-fatt li hemm numru kbir ta' pazjenti li fil-prezent jenhtigilhom kura akuta f'din is-sala.

Matul dawn l-ahhar hmistax il-gurnata il-medja ta' pazjenti kienet ta' 29 minflok 25. Ghalhekk kellhom jitpoggew numru ta' sodod zejda f'din is-sala kif jigri fi sptarijiet ohra f'cirkostanzi bhal dawn. Id-Divizjoni trid tghid ukoll li l-‘management' ta' l-isptar Monte Carmeli ha hsieb li jzid in-numru ta' ‘staff' f'din is-sala li ghalkemm il-‘complement' miftiehem huwa ta' 8 fil-ghodu u 4 matul il-lejl, matul dan l-istess perjodu in-numru ta' staff kien medja ta' 14 matul il-gurnata u 7 matul il-lejl.

Id-Divizjoni tas-Sahha tinnega kategorikament li qatt kien hemm xi okkazjoni fejn zewg pazjenti intalbu jorqdu f'sodda wahda kif allega s-Segretarju Generali tal-MUMN. Daqstant mhuwiex korrett li pazjenti fil-prezent qeghdin jintbaghatu jorqdu fi swali ohra fl-isptar Monte Carmeli. Ghalkemm din kienet il-prassi fil-passat, il-‘policy' illum hija li l-pazjenti li ghandhom bzonn kura akuta jibqghu jigu ttrattati fis-sala numru 2, u ghal din ir-raguni qed ikollhom jiddahhlu sodod zejda f'din is-sala.

Ghar-rigward tas-‘seclusion ward', kienu saru diversi diskussjonijiet mal-Unions dwar in-numru ta' kmamar li ghandu jkun hemm disponibbli. Ghall-informazzjoni tal-pubbliku, is-‘seclusion ward' hija sala fejn il-pazjenti li jkollhom disturb mentali jigu izolati f'cella sakemm jikkalmaw. Din il-prattika llum mhijiex ikkunsidrata bhala wahda idejali u l-medicina moderna titlob li ghandha tintuza aktar il-kura b'medicini u nterventi mil-‘istaff' tas-swali milli restrizzjoni fizika f'seclusion ward'. Id-Divizjoni tas-Sahha ghamlet konsultazzjoni wiesgha anke ma' centri internazzjonali u gie stabbilit li erbat ikmamar fis-‘seclusion ward' ghandhom ikunu bizzejjed ghall- htegijiet taghha.

Tajjeb li wiehed ifakkar li l-MUMN ghadha ghaddejja bl-azzjonijiet industrijali taghha kontra d-‘deployment' kif propost mid-Divizjoni tas-Sahha. Fil fatt bl-ordni li nghataw il-membri ta'l-MUMN, numru ta' nfermiera li fil-prezent qed jahdmu fis-swali anqas akuti u skond id-‘deployment' tad-Dipartiment gew ippustjati fis-sala numru 2 proprju biex jaghtu servizz ahjar lil pazjenti, ghadhom s'issa ma' ccaqalqux.

10^th August 2000

Mr. C. Galea

Segretarju Generali

M.U.M.N.

Nirreferi ghall-ittra tieghek datata 8 t'Awissu dwar is-suggett hawn fuq imsemmi.

Filwaqt li d-Divizjoni tas-Sahha tirrikonoxxi li fil-prezent in-numru ta' pazjenti fis-sala numru 2 huwa aktar minn dak stabbilit, dan zgur m'ghandux iwassal biex dawn il-pazjenti ma jinghatawx il-kura li tehtigilhom. Il-‘management' ta' l-isptar Monte Carmeli qed jassigura li jkun hemm numru adekwat ta' staff biex ikunu jistghu jlahhqu ma din id-domanda.

Matul dawn l-ahhar hmistax il-gurnata il-medja ta' pazjenti fis-sala numru 2 kienet ta' 29 (disgha w ghoxrin) pazjent filwaqt li l-media ta' nfermiera matul il-jum kienet ta' erbatax u ta' matul il-lejl kienet ta' seba'. Jidher car li l-management ta' l-isptar Monte Carmeli qed jizgura li jkun hemm numru adekwat ta' staff biex jissorveljaw dan in-numru ta' pazjenti. Dan qed isir minkejja l-intransigenza tal-Union tieghek li ghada sal llum taghti direttivi lil membri taghha biex ma jsirx id-‘deployment' skond kif kienet ipproponiet id-Divizjoni. Mhux talli d-‘deployment' li pproponiet id-Divizjoni ma kienx deciz bil- ghaggla kif allegat minnek fl-ittra tieghek, izda jikkonferma l-htiega li nfermiera minn swali anqas akuti jiccaqilqu ghal dawk fejn il-pazjenti ghandhom bzonn ta'aktar kura, kif fil-fatt ipproponiet id-Divizjoni.Tajjeb li nfakkrek li numru ta' nfermiera li qed jobdu d-direttivi tal-Union tieghek suppost li jirraportaw ghax-xoghol fis-sala numru 2 irgiel fejn int qieghed issostni li hemm nuqqas.

Ma kien hemm bzonn l-ebda twissija min naha tal Union tieghek biex tfakkar lid-Divizjoni fir-responsabbiltajiet taghha. Ikun tabilhaqq xieraq jekk wiehed ihares lejn id-dmirijiet u r-responsabbiltajiet b'mod oggettiv u jinkwadrahom fl-interess tal-pazjent u mhux fl-interess ta' xi whud.

Stante li l-Union tieghek ghada ghaddejja bid-direttivi ma jkunx possibbli li naghtik il-laqgha li qed titlob diment li dawn id-direttivi ma jigux sospizi.

Dr Ray Busuttil

Director General (Health)

10^th August 2000

Mr. J.M. Briffa

Segretarju tat-Taqsima

Servizzi tas-Sahha

U.H.M.

Re: Is-Sitwazzjoni fil-Male Ward 2 ta' l-Isptar Monte Carmeli

Nirreferi ghall-ittra tieghek datata 7 t'Awissu dwar is-suggett hawn fuq imsemmi.

Huwa fatt li n-numru ta' pazjenti f'dawn l-ahhar jiem huwa aktar minn dak li hu tenut. Fil fatt il-media ta' pazjenti fis-sala numru 2 f'dawn l-ahhar hmistax il-gurnata kien ta' 29 (disgha w ghoxrin). Tajjeb li wiehed isemmi li l-management ta' l-isptar ha hsieb li jkun hemm infermiera bizzejjed biex jiehdu hsieb dawn il-pazjenti. Fil-fatt il-medja ta' staff matul il-jum fis-sala numru 2 kienet t'erbatax filwaqt li matul il-lejl kienet ta' sebgha.

Huwa fatt ukoll li n-numru ta' pazjenti bi problemi ta abbuz ta' droga li fil-prezent jinsabu fis-sala numru 2 huwa aktar minn dak miftiehem. Irrid infakkrek li pazjenti bi problema ta' droga ma jidhlux l-isptar Monte Carmeli biss bhala parti mir-rijabilitazzjoni taghhom, izda hemm numru minnhom li jbatu wkoll minn mard psikjatriku. Ma nahsibx li huwa gust u certament mhux etiku li pazjent li ghandu bzonn kura akuta psikjatrika, ma jinghatax din fl'ambjent mehtieg sempliciment ghax l'istess pazjent ghandu wkoll il-problema tad-droga.

Jekk hemm xi problemi partikolari li inti thoss li ghandhom jigu diskussi, jiena dejjem inkun lest li niltaqa' mieghek.

Dr Ray Busuttil

Director General (Health)

10^th August 2000

Mr. J.M. Briffa

Segretarju tat-Taqsima tas-Sahha

U.H.M.

Nirreferi ghall ittra tieghek datata 7 t'Awissu dwar is-suggett hawn fuq imsemmi. Fl-ittra tieghek inti semmejt li l-‘compliment' b'mod partikolari fis-swali 5A u 5B tan-nisa u 3A u 3B tal-irgiel mhuwiex qed ikun dak skond il-ftehim milhuq bejn id-Divizjoni ta-Sahha u l-Union tieghek.

Skond il-ftehim tad-‘deployment' fis-swali 3A u 3B ghandu jkun hemm komplessivament ‘compliment' t'erba nurses u sitt nursing aides (total 10) matul il-gurnata u zewg nurses u tlett nursing aides (total 5) matul il-lejl. Mill-informazzjoni li ghandi jidher li fil-parti l-kbira tal-granet dan il-‘compliment' qed ikun milhuq jew maqbuz fil-hinijiet ta' matul il-gurnata. Jidher li matul il-lejl hemm diversi granet fejn kien hemm nuqqas ta' persuna wahda u ser niehu l-passi biex nara jekk hux possibbli li din is-sitwazzjoni tigi rrangata. Irrid infakkrek ukoll li minn mindu sar ir-‘refurbishment' fis-swali 3A u 3B, in-numru ta' sodod f'dawn is-swali naqas b'mod sostanzjali.

Ghar-rigward tas-swali 5A u 5B nisa, il-‘compliment maqbul kien ta' total ta' disa' staff matul il-gurnata u hamsa matul il-lejl. Mill-informazzjoni migbura jidher li hemm diversi granet fejn dan il-‘compliment' mhux qed jigi milhuq. Dan qed jigri minhabba l-fatt li jkun hemm htiega ta' ‘staff f'oqsma aktar akuti. Jiena nfurmat li x-xoghol gieli jkun tali li ma jkunx hemm nies lesti li jahdmu ‘overtime' u allura l-management, kif inhu tenut li jaghmel, jpoggi staff minn postijiet anqas akuti.

Nista nassigurak li l-management jaghmel minn kollox biex il-livelli tal-‘complement' miftiehem jigu milhuqa, izda wiehed irid iqis li l-esigenzi u l-htigijiet tal-pazjenti jinghataw prijorita' fuq kollox.

Dr Ray Busuttil

Director General (Health)