STUDJU DWAR IN-NISA ANZJANI F'GHAWDEX

STUDJU DWAR IN-NISA ANZJANI F'GHAWDEX

Id-divizjoni tal-Gerentologija ta` l-Universita` ta` Malta, flimkien mad-Dipartiment tal-Customer Services, sezzjoni ghall-Anzjani, fi hdan il-Ministeru ghal Ghawdex, qed iniedi studju biex janalizza l-profil tal-mara anzjana Ghawdxija.

Dan l-ezercizzju ser isir permezz ta` kwestjonarju li jitratta dwar is-sitwazzjonijiet li jinsabu fihom in-nisa anzjani, u l-problemi li jiltaqghu maghhom fil-hajja ta` kuljum. Is-survey ser jitqassam lil kull mara anzjana Ghawdxija li tghix f'darha.

Din hija l-ewwel darba li studju ta' dan it-tip qed jigi fis-sehh fil-gzejjer taghna. Ghal dan il-ghan, gew inkarigati u mharrga numru ta' studenti Universitarji Ghawdxin biex fil-gimghat li gejjin ikunu ta' ghajnuna ghal kull anzjana sabiex jimtlew il-kwestjonarji.

Mill-ahhar censiment li sar f'Ghawdex jirrizulta li n-numru ta' nisa anzjani jammonta ghal 3,221.