IL-PRIM MINISTRU FI ZJARA FL-iSLOVAKKJA

IL-PRIM MINISTRU FI ŻJARA FL-iSLOVAKKJA

 Il-Prim Ministru, Eddie Fenech Adami, se jħalli Malta għada għal żjara fl-iSlovakkja fejn ser ikollu taħditiet mal-Prim Ministru ta' l-iSlovakkja, Mikolas Dzurinda.

Fl-iSlovakkja, il-Prim Ministru ser jiltaqa' wkoll mal-President, Rudolf Schuster.

Il-Prim Ministru ser ikollu laqgħat mal-Kumitati dwar l-Integrazzjoni Ewropea u dwar l-Affarijiet Barranin tal-Kunsill Nazzjonali Slovakk.

Il-Prim Ministru ser ikun akkumpanjat mill-Ministru ta' l-Affarijiet Barranin, Joe Borg u mis-Segretarju Privat tal-Prim Ministru, Peter Portelli.

Mal-Prim Ministru ser ikun hemm ukoll fl-iSlovakkja l-Ambaxxatur Noel Buttigieg Scicluna, il-Kap tad-Direttorat dwar l-Unjoni Ewropea Saviour Falzon, id-Direttur ta' l-Affarijiet Bilaterali fil-Ministeru ta' l-Affarijiet Barranin Cecilia Attard Pirotta u Joanna Darmanin mis-Segretarjat tal-Ministru Borg.

Il-Prim Ministru mistenni lura Malta nhar l-Erbgħa, 17 ta' Mejju 2000.