INIZZJATTIVI DWAR KULTURA U EDUKAZZJONI MILL-KUNSILL LOKALI ŻABBAR

INIZZJATTIVI DWAR KULTURA U EDUKAZZJONI MILL-KUNSILL LOKALI ŻABBAR

Il-Ministru tal-Ġustizzja u Gvern Lokali, Dr Austin Gatt, qal li aktar m'hu qed jgħaddi ż-żmien, il-Kunsilli Lokali f'pajjiżna qed jifhmu dejjem aktar ir-rwol li għandhom fl-aspett soċjali, kulturali u edukattiv tal-lokalit'� tagħhom.

Huwa qal dan dal-għodu f'ċerimonja li matulha, il-Kunsill Lokali Żabbar għamel preżentazzjoni ta' ktieb intitolat "Żabbar – A Living History", pubblikazzjoni tal-istess Kunsill, li l-editur tiegħu hi d-Deputat Sindku stess, Dr. Myriam A. Sciberras.

Il-Ministru Gatt, li għamel l-introduzzjoni għal din il-pubblikazzjoni, faħħar din l-inizzjattiva għax tirrifletti l-impenn li għandu dan il-Kunsill Lokali li jxerred informazzjoni dwar l-istess lokalit'�.

F'ċerimonja oħra li saret ftit qabel, l-istess Kunsill Lokali Żabbar, iffirma ftehim mad-Dipartiment tal-Libreriji Pubbliċi, li permezz tiegħu se jirriloka l-Librerija Lokali fiċ-Ċentru Ċiviku.

Il-Ministru Gatt assista għall-iffirmar ta' dan il-ftehim - is-sitt wieħed tax-xorta tiegħu. Huwa faħħar in-numru dejjem jikber ta' Kunsilli li qegħdin jidħlu għal dan il-ftehim, għax juri l-impenn tagħhom lejn l-aspett edukattiv fil-komunit'�; u kif ukoll lid-Dipartiment tal-Libreriji Pubbliċi, li b'impenn kbir qiegħed juri li bis-serjet'� jemmen fir-rwol tal-Kunsilli Lokali fl-amministrazzjoni ta' dawn il-Libreriji.

28.01.2000