Prezentazzjoni tal-ktieb "Support to mainstreamed deaf students" lill-Ministru ta' l-Edukazzjoni

Il-Ministru ta' l-Edukazzjoni Louis Galea gie ipprezentat b' kotba mahruga mill-Ghaqda Nazzjonali ghat-Tfal Neqsin mis-Smiegh. Dawn il-kotba huma intitolati "Support To Mainstreamed Deaf Students" u ghandhom iservu bhala ghajnuna ghall-ghalliema ta' klassijiet regolari li jkollhom student jew studenti neqsin mis-smiegh fil-klassi taghhom.

Wiehed minn kull elf tarbija titwieled b'nuqqas serju ta' smiegh li b'xi mod jew iehor ikollu effett fuq l-edukazzjoni ta' din il persuna. Fl-iskejjel taghna ghandna madwar 100 student li qeghdin f'din is-sitwazzjoni.

L-ghalliem tal-klassi li jintalab fil-bidu tas-sena skolastika biex jghallem student b'nuqqas ta' smiegh, hafna drabi jhossu mhawwad, bezghan u anke jaf ihoss nuqqas ta' kunfidenza quddiem din is-sitwazzjoni. Ghalkemm hafna drabi l-ghalliema jkollhom l-opportunita' li jattendu "in-service course" fil-bidu tas-sena skolastika, huma xorta jhossu li ghandhom bzonn kotba biex jkunu jafu aktar.

Ghalhekk, dan il-ktieb ghandhu jzid holqa ohra fil-katina ta' ghajnuniet li dawn l-ghalliema ghandhom bzonn.

Il-Ministru ta' l-Edukazzjoni rringrazzja lill-awturi tal-ktieb Fred Bezzina u Pierre Demanuele, lil Dr Marie Alexander li kienet it-"tutor" taghhom, lil Kap ta' l-iskola Carmen Cascun u lil diversi ghalliema, genituri u adulti neqsin mis-smiegh li taw il-kummenti taghhom. Il-Ministru rringrazzja wkoll lill-programm PEKTUR tal-Kummissjoni Nazzjonali Persuni b'Dizabilta' li pprovdew il-finanzi ghal din il-pubblikazzjoni, u lill-Ghaqda Nazzjonali Ghat-Tfal Neqsin mis-Smiegh.