Il-Ministru ghall-Ambjent dwar Rizoluzzjoni tal-Kunsill Lokali tal-Kalkara

B'riferenza għal kopja ta' riżoluzzjoni dwar żvilupp ta' faċilitajiet għall-manutenzjoni ta' jottijiet fil-Kalkara, li kienet ċirkolata lill-Istampa llum mill-Kunsill Lokali tal-Kalkara, il-Ministru għall-Ambjent Francis Zammit Dimech jirriafferma l-pożizzjoni tiegħu li m'hu se jħalli li jsir xejn li b'xi mod jista' jolqot b'mod negattiv il-Bajja tar-Rinella.

Għal dan l-iskop, il-Ministru għall-Ambjent informa lill-Cottonera Waterfront Group li jridu jsiru laqgħat sa Settembru li 'ej mal-Kunsill Lokali tal-Kalkara. Jekk dawn il-laqgħat jibqgħu ma jsirux saż-żmien miftiehem, il-Ministru jintervjeni biex il-laqgħat isiru u jkompli jgħin biex jinstabu soluzzjonijiet aċċettabbli.

Kien għalhekk li l-Ministru għall-Ambjent insista ma' l-istess konsorzju, il-Cottonera Waterfront Group, biex ma jippreżenta ebda applikazzjoni li tirrigwarda l-iżvilupp ta' faċilitajiet għall-manutenzjoni tal-jottijiet fil-Kalkara.