Il-Ministru Louis Deguara jattendi ghat-Tielet Konferenza Ministerjali tal-WHO Europe bit-tema Action in Partnership

Il-Ministru tas-Sahha Louis Deguara dalghodu halla Malta fi triqtu lejn Londra fejn ser jattendi ghat-tielet konferenza Ministerjali dwar it-Trasport, l-Ambjent u s-Sahha tal-WHO Europe bit-tema Action in Partnership.

Aktar tard illum, il-Ministru Deguara ser jiffirma protokoll dwar l-ilma u s-sahha. L-ghan ta' dan il-protokoll hu li jipprovdi qafas ta' hidma li fuqu l-pajjizi membri jistghu jippjanaw politika aktar restrittiva ta' sahha pubblika fuq l-ilma. Il-Bahar Mediterran huwa inkluz ukoll f'dan il-protokoll. Fost l-ohrajn dan il-protokoll jitlob li jkun hemm livelli oghla ta' spezzjonar ta' l-ilma kif ukoll il-mod kif dan ghandu jkun rappurtat.

Il-protokoll, li Malta ppartecipat fit-tfassil tieghu fil-laqghat preparatorji, huwa approvat mill-Kummissjoni ta' l-Unjoni Ewropea u l-United Nations Economic Commision for Europe (UNECE) u kien imfassal fuq id-direttivi ta' l-Unjoni Ewropea dwar l-ilma.

Fi tmiem il-konferenza l-Ministri tar-Renju Unit ser jiffirmaw dikjarazzjoni mfassla waqt l-istess konferenza f'isem il-Ministri l-ohra prezenti.

Din il-konferenza ilha tiltaqa' minn nhar it-Tlieta li ghadda u ghaliha attenda wkoll il-Ministru tat-Trasport u Komunikazzjoni Censu Galea.