Stqarrija mill-Korporazzjoni Enemalta dwar riha ta' gass f'fergha ta' Bank

B'riferenza ghall-istqarrija dwar riha mhux tas-soltu gewwa fergha ta' bank f'Birzebbuga li dehret fil-gurnali lokali llum, il-Korporazzjoni Enemalta tixtieq tinforma lill-pubbliku li l-bierah hi giet mitluba biex tinvestiga riha mhux tas-soltu gewwa fergha ta' bank f'Birzebbuga. Fil-fatt impjegati ta' l-Enemalta marru fuq il-post immedjatament biex jinvestigaw dan ir-rapport.

L-Enemalta tixtieq tippreciza li ma nstabu l-ebda tracci ta' gass L.P.G. (Liquified Petroleum Gas) fil-Bank. Ghalkemm fil-bank m'hemm l-ebda stallazzjoni tal-gass, xorta wahda ttiehdu kampjuni ta' l-arja bhala prekawzjoni li kkonfermaw li ma kienx hemm gass.

Ghalhekk, tajjeb li jigi ccarat li jekk kien hemm xi riha mhux tas-soltu fil-bank, din ma kinetx minhabba xi gass kif gie rrappurtat fil-gurnali izda minhabba xi kawza ohra.