Ilkoll imsiehba f'intrapriza wahda jisimha Malta

Is-Segretarju Parlamentari fil-Ministeru ghas-Servizzi Ekonomici, Edwin Vassallo, kellu laqgha ma' sidien ta' negozji fil-Hamrun. Din il-laqgha giet organizzata mis-Sotto Kumitat ghas-Settur tal-Kummerc tal-Kunsill Lokali tal-Hamrun, u matulha gew diskussi l-isfidi li qed jiltaqa' maghhom is-settur tan-negozju. S-Sur Vassallo spjega kif dawn l-isfidi qeghdin ibiddlu kontinwament il-mod ta' kif isir in-negozju u ghaldaqstant il-mod ta' kif irridu nfittxu s-soluzzjonijiet ghas-sitwazzjonijiet li niffaccjaw.

Il-Segretarju Parlamentari rega' sahaq fuq il-htiega li s-settur tan-negozju jinghaqad aktar u lkoll flimkien niddiskutu s-sitwazzjoni tas-suq u l-attegjament u l-bidla tal-prijoritajiet tal-konsumaturi.

F'din il-laqgha gew diskussi wkoll il-problemi li qeghdin jiffaccjaw il-hwienet fil-Hamrun. Fost dawn spikkat il-problema ta' parking. Is-Sur Vassallo wieghed li fil-futur qarib ser isiru diskussjonijiet ma' l-Awtoritajiet koncernati biex tittaffa din il-problema u jizdied l-ispazju ghall-parking.

F'dan il-kuntest is-Sur Vassallo rrifera ghal-laqgha bit-titlu Ilkoll Imsiehba f'Intrapriza Wahda Jisimha Malta, li ser issir ghall-okkazjoni ta' Jum il-Haddiem fil-Ministeru ghas-Servizzi Ekonomici, ghada l-Gimgha, 30 t'April. Din il-laqgha ser titratta kif organizazzjonijiet minn setturi differenti ta' l-ekonomija jistghu jaghtu servizz lis-settur tan-negozju; b'hekk jizdiedu l-impjiegi u jitkattar il-gid.

Is-Segretarju Parlamentari, Edwin Vassallo, fi tmiem il-laqgha habbar li ser jiltaqa' ma' l-Assoccjazzjoni tal-Kunsilli Lokali u jiddiskuti maghhom policy paper li hejja rigward l-Izvilupp tal-Politika Kummercjali fil-Lokalita'.