Kumitat ta' esportaturi biex jifli l-process ta' l-esportazzjoni u jissuggerixxi titjib

F'laqgha li saret fil-Ministeru ghas-Servizzi Ekonomici fil-Belt, is-Segretarju Parlamentari l-Onor Edwin Vassallo, b'responsabbilta' diretta fuq is-self employed u n-negozji z-zghar, organizza Sotto Kumitat ‘ad hoc' biex ihares lejn il-process ta' esportazzjoni f'pajjizna b'mod oggettiv, bl-iskop li ma dawk kollha koncernati f'dan il- process janalizza x'jista' jkun qieghed johloq problemi minn zmien ghal iehor u wara dan il- process, ikun jista' joffri proposti konkreti rigward x'tibdil jista' jsir f'policies jew legislazzjoni.

Dan qed isir bil-hsieb li jinholqu strutturi godda li jghinu biex il-Gvern jibqa' f'kuntatt kontinwu ma' dawk kollha li huma involuti fil-process ta' importazzjoni kemm dawk mis-settur Amministrattiv (Dipartimenti) li qeghdin joffru s-servizz taghhom, kif ukoll mis-settur tan-negozju li jaghmel uzu minn dan is-servizz.

Il-prijorita' ta' kull proposta kif ukoll il-partecipazzjoni f'dan l-ezercizzju ta' konsultazzjoni ghandu jwassal biex tizdied l-efficjenza, wiehed jara kif jistghu jitnaqqsu spejjez zejda waqt li tigi ffacilitata l-burokrazija, u bis-sehem ta' kulhadd dan il-process jitjieb.B'hekk l-esportatur ikun inkoraggit isib swieq godda u jkabbar in-negozju tieghu.

Dan il- laqgha saret skond il- Pjan ta' Hidma li s-Segretarjat fil-Ministeru ghas-Servizzi Ekonomici hejja ghat-tliet xhur li gejjin li jahseb biex il-Korporazzjonijiet u d-Dipartimenti jzidu l-efficjenza. Dan ghandu jwassal biex in-negozjant jiehu servizz ahjar u aktar valur ghat-taxxi li jhallas.