Il-Ministru ghall-Ambjent Francis Zammit Dimech jindirizza Seminar f'Bologna dwar ir-Restawr

Il-Ministru ghall-Ambjent Francis Zammit Dimech jindirizza Seminar f'Bologna dwar ir-Restawr

Il-Ministru ghall-Ambjent Francis Zammit Dimech se jmur Bologna ghada biex jindirizza seminar li se jsir mid-Dipartiment ta’ l-Arkitettura u Urbanistika tal-Fakultà ta’ l-Inginerija fl-Università ta’ Bologna. Din iz-zjara se tkun b’konnessjoni ma’ l-istudju u master plan li saru mill-istess Dipartiment dwar ir-restawr u l-manutenzjoni tas-swar u bini storiku iehor f’Malta.

Is-seminar se jsir f’Bologna nhar is-Sibt u fi tmiemu, il-Ministru Zammit Dimech se jinawgura wirja dwar dan il-progett li tfassal mill-istess Dipartiment.

Fis-seminar se jitkellem ukoll il-Perit Vincent Cassar, id-Direttur Generali tat-Taqsima tax-Xoghlijiet fi hdan il-Ministeru ghall-Ambjent.

Il-Ministru Zammit Dimech se jerga’ lura Malta nhar il-Hadd.