Il-Ministru ghal Ghawdex tiltaqa' mal-Kunsilli Skolastici Ghawdxin

Il-Ministru ghal Ghawdex tiltaqa' mal-Kunsilli Skolastici Ghawdxin

"Il-Kunsilli Skolastici ghandhom ikunu l-mezz li jqarrbu lill-iskola u l-amministrazzjoni taghha lejn il-familja biex flimkien noholqu edukazzjoni kontinwa li tibda mid-dar u titkompla fil-klassi."

Dan sostnietu l-Ministru ghal Ghawdex, Giovanna Debono, meta indirrizat lill-Presidenti u Segretarji tal-Kunsilli Skolastici Ghawdxin f’laqgha li saret fil-Ministeru ghal Ghawdex. Il-Ministru Debono qalet li kif gie mwieghed fil-Programm Elettorali, l-amministrazzjoni tal-lum hija impenjata li l-iskejjel jkollhom stil ta’ tmexxija partecipattiva bejn ghalliema, genituri, studenti u l-komunita’ lokali. Hija hegget lill-Kunsilli Skolastici biex matul is-sena skolastika li gejja jimpenjaw ruhhom biex janalizaw il-Kurrikulu Minimu Nazzjonali l-gdid. Il-Ministeru ta’ l-Edukazzjoni jixtieq jircievi l-veduti ta’ kull Kunsill Skolastiku, partikolarment dawk fil-Livell Primarju. ‘Dan huwa ezercizzju importanti hafna, li jirrikjedi impenn serju ghax minnu jiddependi l-frott li ser nahsdu mill-edukazzjoni ta’ wliedna fil-futur.’

Il-Ministru Debono irringrazzjat lill-membri kollha tal-Kunsilli Skolastici ghall-impenn u dedikazzjoni taghhom f’dan is-servizz volontarju u weghdithom l-ghajnuna u l-koperazzjoni kollha tal-Ministeru fit-titjib tal-livelli u l-ambjent edukattiv fil-gzira Ghawdxija.