Elezzjonijiet Generali 1998 - Irtirar ta' Dokumenti ghall-Votazzjoni

Elezzjonijiet Generali 1998 - Irtirar ta’ Dokumenti ghall-Votazzjoni

Il-Kummissjoni Elettorali tavza li ghada l-Hamis it-3 ta’ Settembru, 1998, se jkun l-ahhar jum li fih jista’ isir l-irtirar tad-dokumenti minghand il-Kummissjonarji. Il-hinijiet ser ikunu bejn it-8.30 a.m., u s1-00 p.m. u mis-2.00 p.m. sa nofs il-lejl. Kull persuna li trid tigbor id-dokument ghandha tigi personalment l-Ufficcju Elettorali biex tiehu d-dokument minghand il-Kummissjonarji Elettorali. Dawn il-persuni ghandhom igibu maghhom il-Karta ta’ l-Identita’ jew l-ircevuta tal-karta ta’ l-identita’.

Il-Kummissjoni Elettorali qed toffri lil dawk il-morda li ma jkunux jistghu johorgu mill-karozza privata li twassalhom sal-bieb ta’ l-Ufficcju tal-Kummissjoni Elettorali, facilitajiet apposta biex ikunu jistghu jinghatalhom id-dokument mill-Kummissjonarju.

Il-votanti rregistrati f’Ghawdex ghandhom japplikaw fl-Ufficcju tal-Karta ta’ l-Identita’, Triq ir-Repubblika, ir-Rabat, Ghawdex.

Minghajr dokument ghall-votazzjoni hadd ma jkun jista’ jivvota.

02.09.98