SA APRIL 2001, L-ISPTAR IL-GDID F’TAL-QROQQ SER IKUN JOPERA

L-Isptar il-Gdid f’Tal-Qroqq mistenni jitlesta f’April 2001. Wara din id-data s-servizzi generali tas-sahha jibdew jinghataw minn dan l-Isptar il-Gdid. Il-Gvern Laburista kien ha d-decizjoni li dan l-Isptar ma jibqax ikun biss wiehed ta’ ricerka imma jsir wiehed li joffri s-servizzi kollha lill-pazjenti li jaghmlu uzu minnu.

Dan habbru l-Prim Ministru Dr. Alfred Sant waqt zjajjar  li ghamel dalghodu fl-iSptar San Luqa u l-iSptar il-Gdid f’Tal-Qroqq. Matul dawn l-izjajjar, Dr Sant kien akkumpanjat mill-Ministru ghas-Sahha, Dr. Michael Farrugia.

L-Isptar Generali l-Gdid se jkun fih 800 sodda u s-saqaf tar-raba’ sular ta’ l-Isptar gie rinforzat biex jekk ’il quddiem jigi deciz li l-Isptar jitkabbar, ikun jista’ jitla’ sular iehor, minghajr dewmien zejjed. Id-decizjoni li l-Isptar jikber b’dan il-mod wasslet biex il-process tal-bini jiehu aktar fit-tul u jitwal b’sena.

Il-Prim Ministru qal li z-zjajjar  tal-lum kienu jimmarkaw zewg aspetti tal-politika tas-sahha li l-Gvern qed isegwi. Fl-Isptar San Luqa wiehed seta josserva servizz li gie zviluppat fl-ahhar sena, servizz fejn pazjent jaghmel gurnata l-isptar u wara li jkollu l-interventi mehtiega, jerga lura d-dar fl-istess jum. Dr. Sant qal li dan is-servizz  kien ilu ippjanat aktar minn erbatax-il sena u  twettaq biss issa mill-Gvern tal-gurnata.

Fuq l-iSptar il-Gdid f’Tal-Qroqq, il-Prim Ministru qal li meta Gvern Laburista ha t-tmexxija f’idejh, kien sab li l-pjanijiet kienu li dak li kien l-iSptar San Raffaele kellu jibqa’ jopera fl-istess hin mal-iSptar San Luqa. Gvern Laburista evalwa s-sitwazzjoni u wara diversi studji li ghamel sab li jkun ahjar li tkabbar l-iSptar il-Gdid f’tal-Qroqq biex jassumi x-xoghol kollu ta’ sptar generali, milli jkollok x-xoghol mediku maqsum fuq zewg sptarijiet b’duplikazzjoni kollha li din iggib maghha.

Il-Prim Ministru Dr.Alfred Sant habbar ukoll pjani li ghaddejjin biex bhala parti mill-politika tas-sahha, l-iSptar il-Gdid ikun mghammar b’apparat modern u staff mediku addattat ghall-htigijiet tal-pazjenti. Ghaddejjin ukoll pjani biex l-isptar San Luqa jigi konvertit ghal uzu differenti minn dak li ghandu illum. Dr. Sant qal li sezzjoni mill-iSptar San Luqa tkun tista’ tiffunzjona biex tilqa fiha l-anzjani. Taqsima ohra tkun tista tigi konvertita ghall-uzu ta’ persuni b’dizabilita’ .