STQARRIJA MILL-MINISTRU TAL-FINANZI U KUMMERC

Il-Ministru tal-Finanzi u Kummerc Leo Brincat, filwaqt li jirreferi ghall-istqarrija mahruga mill-Ufficju  Informazzjoni tal-Partit Nazzjonalista, illum 5 ta’ Awwissu, 1998, jichad kategorikament li Gvern Laburista gdid ser jaghmel xi taxxa gdida ta’ 21% fuq prodotti maghmula Malta kif allegat l-istess stqarrija.

Kif jafu tajjeb il-Korpi Kostitwiti u kif kemm-il darba gie spjegat pubblikament minn kelliema tal-Gvern, dak li qed jigi propost mill-Gvern, fil-kors ta’ diskussjonijiet ma’ l-Unjoni Ewropea li ilhom ghaddejjin ghal iktar minn sena, huwa li f’perjodu ta’ zmien ta’ bejn tlieta u seba’ snin kif miftiehem minn qabel ma’ l-Unjoni Ewropea, u b’konsultazzjoni shiha ma l-istess Korpi Kostitwiti, titnehha gradatament is-sistema tal-levies u minflokha tiddahhal gradatament sisa ta’ 15% fuq il-valur fil-fabbrika ta’ prodotti mahdumin lokalment ghas-suq lokali. Dan hu mehtieg taht ftehim ta’ Zona ta’ Kummerc Hieles bejn Malta u l-Unjoni Ewropea.

Il-Ministru jixtieq ifakkar li l-Gvern Nazzjonalista precedenti kien diga’ ikkommetta ruhu ma’ L-Unjoni Ewropea li sas-sena 1996 kellhom jitnehhew nofs il-levies ezistenti. Gvern Laburista ma mexiex ma’ dan u minnflok halla l-levies kollha fejn kienu u ddikjara li dawn iridu jitnehhew gradatament f’perjodu ta’ mhux inqas minn seba’ snin. Fl-istess hin, konxju mill-importanza ta’ l-industrija li tahdem prodotti ghas-suq lokali, il-Gvern dahhal sisa ta’ 15% fuq il-valur CIF ta’ prodotti importati lesti filwaqt li ezenta mill-istess sisa hafna mill-materjal industrijali li jintuza fi prodotti lokali kkunsmati f’Malta. Kulhadd jaf, inkluz il-Partit Nazzjonalista, li dawn il-mizuri ta’ protezzjoni li sostna Gvern Laburista jridu jitnehhew taht kwalunkwe forma ta’ ftehim ta’ shubija ma’ l-Unjoni Ewropea.

                                                                                                     .../...

Il-Ministru jzid jghid ukoll li l-Gvern Laburista ma waqafx hawn. Fl-isfond tar-ristrutturazzjoni ta’ l-industrija lokali li tehtieg issir taht ftehim dwar Zona ta’ Kummerc Hieles, il-Gvern Laburista diga’ alloka fondi u qed jitlob fondi minghand l-Unjoni Ewropea sabiex tkun tista’ tinghata l-ghajnuna kollha mehtiega lill-industrija Maltija li tkun tehtieg tirristruttura. Il-Gvern diga’ haseb ukoll sabiex, bil-partecipazzjoni shiha tal-Korpi Kostitwiti, johloq dawk l-istituzzjonijiet, partikolarment l-Istitut ghall-Promozzjoni tal-Intraprizi z-Zghar (I.P.S.E.), li jridu jiehdu hsieb il-process ta’ ristrutturazzjoni ta’ l-industrija lokali. Dwar dan Gvern Nazzjonalista precedenti f’disa’ snin shah ma kien haseb assolutament xejn minkejja l-isforzi sfrenati li ghamel sabiex idahhal lil Malta bhala membru shih ta’ l-Unjoni Ewropea.