IL-PRIM MINISTRU, DR ALFRED SANT, IZUR IL-FABBRIKA CARLO GAVAZZI LTD F’BULEBEL

“Zona ta’ Kummerc Hieles jaghmel ix-xoghol aktar kompetittiv ghax, waqt li jiggarantixxi s-suq, izomm l-ispejjez tal-produzzjoni baxxi.  Dan ikun possibbli ghax Malta ma jkollhiex iggorr l-ispejjez gholja tal-produzzjoni li jezistu f’pajjizi bhad-Danimarka li jridu jhaddmu l-Common Agricultural Policy”.  Dan qalu l-Prim Ministru Dr Alfred Sant waqt zjara li kien qed jaghmel fil-fabbrika Carlo Gavazzi Ltd fil-Qasam Industrijali, Bulebel.

Il-Prim Ministru, li kien akkumpanjat mill-Avukat John Attard Montalto, Ministru ghall-Affarijiet Ekonomici u Industrija, gie milqugh u mdawwar mal-fabbrika mis-Sur Ray Attard, Managing Director.

Il-fabbrika Carlo Gavazzi Ltd tipproduci partijiet elettronici ghall-esportazzjoni fl-Ewropa u l-Amerika, suq li kien qieghed jikber bir-rata ta’ tnax fil-mija fis-sena.   Id-ditta ghandha fabbriki fl-Italja, il-Germanja, id-Danimarka u Malta.  Il-fabbrika Maltija timpjega 152 haddiem u tesporta b’kemm jiswa Lm3.3 miljun xoghol fis-sena.  Is-Sur Attard spjega li l-fabbrika kienet qed tespandi l-produzzjoni taghha b’mod mghaggel u ghal dan il-ghan kienet hadet fabbrika ohra fl-istess qasam industrijali. Il-fabbrika l-gdida kienet se tibda topera f’Ottubru u fix-xoghol taghha kienet se  tkun  estensjoni tal-fabbrika ezistenti.  Huwa ppjanat li, fi zmien tliet snin, l-espanzjoni tal-fabbrika Carlo Gavazzi Ltd tikber tant li jkollha tirdoppja l-ghadd ta’ impjegati u ttellaghhom ghal tliet mitt haddiem.