PREZENTAZZJONI TA’ AIRCONDITIONING GHALL-KOMUNITA’ STA. MARIJA MILL-FORUM ZGHAZAGH LABURISTI

Kuntrarjament ghal dak li intqal minn certu gurnali, il-Gvern ma bidel l-ebda policy fejn jidhlu l-alkohol u droga.  Dan intqal mill-Ministru ghall-Harsien Socjali, l-Prof. Edwin Grech waqt prezentazzjoni ta’ sistema ta’ l-airconditioning mill-Forum Zghazagh Laburisti lill-Kommunita’ ta’ Santa Marija f’Hal Luqa.  Din il-prezentazzjoni saret lil Sina Bugeja, Kap Ezekuttiv ta’ l-Agenzija Sedqa fil-prezenza tas-Sur Jimmy Magro, Segretarju Generali tal-Partit Laburista. Il-flus ghal din is-sistema ta’ airconditioning huma parti minn dawk migbura waqt l-attivita’ Allezfest - festival kulturali u sportiv, li organizza il-Forum Zghazagh Laburisti.  Ghal din l-attivita attendew madwar hamsa u ghoxrin elf persuna.

Il-Ministru Grech irrefera ghall-laqgha li saret ma The Sense Group u qal li fiha sar skambju ta’ ideat bejn iz-zewg partijiet imma l-ebda commitment.  Huwa spjega kif wahda mill-proposti li saret minn The Sense Group kienet propju li l-eta’ ta’ min jista’ legalment jikkonsma l-alkohol titla’ minn sittax-il sena ghal tmintax-il sena.  Il-Ministru Edwin Grech qal li huwa jaqbel ma din il-proposta.  

Proposta ohra ta’ The Sense Group kienet li jekk wara li jaghmlu kampanja edukattiva dwar l-abbuz mill-alkohol, huma jsiru jafu li xi hwienet li huma qeghdin jissuplixxu bix-xorb alkoholiku, jbieghu dan ix-xorb lil zghazagh taht is-sittax-il sena, huma jieqfu jissuplixxu dan it-tip ta’ xorb lilhom.  

Il-Ministru Edwin Grech sahaq li l-Gvern se jibqa’ sod fil-pozizzjoni tieghu, anki skond gwidi tal-Organizzazzjoni Dinjija dwar is-Sahha.

Waqt din l-attivita’ tkellmet ukoll Sina Bugeja, Kap Ezekuttiv ta’ l-Agenzija Sedqa.  Is-Sinjura Bugeja filwaqt li rringrazzjat ghall-inizjattiva bhal din, qalet illi dan il-kuntatt li qed jistabilixxi l-Bord tal-Foundation for Social Welfare Services jidher li qed ihalli effett pozittiv fuq kull min hu koncernat.

Il-Ministru Edwin Grech ghalaq din l-attivita’ billi fahhar l-inizjattiva tal-Forum Zghazagh Laburisti.