IL-MINISTRU MICHAEL FARRUGIA JIPPREZENTA LEAFLETS TA’ INFORMAZZJONI DWAR DONAZZJONI TA’ ORGANI

Il-Ministru Michael Farrugia, Ministru ghas-Sahha, Kura ghall-Anzjani u Affarijiet tal-Familja ipprezenta leaflets ta’ nformazzjoni dwar donazzjoni ta’ organi lis-Sur Victor J Rizzo, Direttur ghall-Kunsilli Lokali.

Dawn il-leaflets ser ikunu fl-ufficcini tal-Kunsilli Lokali sabiex ic-cittadini Maltin u Ghawdxin ikunu jistghu jinkitbu bhala donaturi tal-organi taghhom wara mewthom.

Waqt il-Fiera Internazzjonali ta’ Malta tas-sena l-ohra kienu ngabru 1499 registratur gdid izda din is-sena l-figura diga telghet ghall-1824 meta fadal 3 ijiem ohra sabiex tintemm il-fiera.

Il-Ministru Farrugia spjega fid-dettal kif jistghu jinghataw l-organi u qal ukoll li meta wiehed jaghti l-organi wara mewtu jkun qed jaghti hajja mill-gdid lil persuni ohrajn li jkunu qed jistennew bdil tal-organi ohra biex jghixu.  Huwa spjega li hemm protocol dettaljat sabiex persuna tigi dikjarata mejta u sostna l-fatt li l-organi la jinbieghu hawn Malta u lanqas barra minn Malta.  Kull donatur ma jaghmilx dan bi qliegh ta’ flus.  It-tim specjali li jaghmel l-operazzjonijiet tat-trapjanti huwa kollu Malti izda jsiru xi testijiet tad-demm ta’ kompatibilita’ gewwa l-Italja.  F’Malta bhalissa hawn kwazi 60 persuni jistennew donazzjoni ta’ kliewi.  Hawnhekk huwa semma li d-Dipartiment tas-Sahha qieghed fil-fazi ta’ tender sabiex jinxtraw 5 makni tal-kliewi (Kidney Dialysis Machines) sabiex jizdiedu n-numri ta’ makni ezistenti u ghalhekk inkunu f’pozizzjoni li l-pazjenti li jkollhom bzonn dan is-servizz ikun jista’ jahdem b’mod aktar efficjenti u l-pazjenti jkunu moqdijin ahjar, sakemm tinstabilhom kilwa.

Il-Ministru Farrugia rringrazzja lill-Lions Club Sliema tal-koperazzjoni taghhom u ghas-sehem taghhom sabiex jingabru l-firem waqt il-fiera, kif ukoll lill-Media Centre, u l-Intensive Therapy Unit (ITU) tal-iSptar San Luqa.

.../...

Il-Ministru Michael Farrugia rringrazzja wkoll lid-direttur ghall-Kunsilli Lokali f’isem id-Dipartiment tas-Sahha talli ghoghbu f’isem il-Kunsilli Lokali jaccetta li fl-ufficcini taghhom ikun hemm dawn il-formoli halli c-cittadini ser isibuha aktar facli li jkollhom access ghal dawn il-formoli.

Is-Sur Victor Rizzo rringrazzja lill-Ministru Michael Farrugia ghall-fiducja li wera fil-Kunsilli Lokali u wieghed il-koperazzjoni tal-kunsilli kull fejn ikun hemm bzonn sabiex ic-cittadin ikun moqdi ahjar.