Il-Gvern qed jikkonsidra l-implikazzjonijiet politici u ekonomici dwar il-Marina tal-Birgu

Il-Gvern Malti se jkun qieghed jahseb dwar l-implikazzjonijiet politici u ekonomici ta' dak li gara fil-Parlament dwar il-Progett tal-Marina tal-Birgu. Hemm bzonn naraw x'jista' jsir biex dan il-progett mhux jghereq, imma jerga jitlaq. Dan qalu l-Prim Ministru Alfred Sant, illejla fuq il-programm televisiz "PALOMBA" fuq TVM, Il-Prim Ministru qal li l-fatt li gie oppost investiment Amerikan f'zona ta' pajjizna li s-soltu nissottovalutaw ihalli riperkussjonijiet.

Il-Prim Ministru qal li l-Gvern huwa kkoncernat li jilqa' u jbiddel dawn ir-riperkussjonijiet li huma ta' natura politika internazzjonali. Il-Prim Ministru qal li wahda mill-problemi hija dik li trid toqghod attent x'impatt se jkollu vot bhal dan fuq is-settur privat li mieghu qeghdin nikkonkludu certi negozjati. "Ghax jekk inti qed tinnegozja ma' konsorzju u tghidlu li se jigri hekk, imbaghad f'daqqa wahda jitwaqqfu d-decizjonijiet li jkunu ittiehdu, minnufih se jqumu dubji dwar kemm jistghu isiru certi affarijiet. Il-Gvern qieghed hemm biex dak li jghid iwettqu. Certament dal-Gvern qieghed hemm biex iwettaq dak li jwieghed", enfasizza l-Prim Ministru.

Il-Prim Ministru qal li l-vot kontra l-Progett tal-Kottonera fil-Parlament kienet decizjoni sfortunata hafna. Dr. Sant qal li l-progett tal-Marina tal-Birgu huwa parti minn progett enormi marbut mal-portijiet il-kbar ta' Malta. Dawn jinkludu l-cruise liner terminal, il-progett tal-Manoel Island u mbaghad hemm it-tliet progetti tal-Kottonera marbutin wiehed ma' l-iehor. Dik kienet u ghadha l-idea tal-Gvern, qal il-Prim Ministru, li johloq mill-Kottonera centru ta' zvilupp turistiku u ekonomiku.

Il-Prim Ministru qal li fl-ahhar tletin u erbghin sena sar hafna kliem fuq il-Kottonera imma qatt ma sar xejn. Dr. Sant qal li tul l-ahhar sena u nofs il-Gvern kien miexi bi progetti mas-settur privat.

Fil-kaz tal-Forti Sant Anglu, il-Gvern kien miexi f'diskussjonijiet ma' l-Ordni ta' San Gwann. Il-Gvern kien qed jahseb biex il-mollijiet tal-Birgu jigu zviluppati bhala yacht marina. Fil-kaz tal-Bacir 1, il-hsieb tal-Gvern huwa li jigi zviluppat bhala marine park illi jkun ta' importanza kbira ghall-haddiema tat-Tarzna u ghar-residenti ta' Bormla.

L-ewwel progett li kien miexi tajjeb 'l quddiem kien precizament il-progett tal-Yacht Marina fil-Birgu. Il-Prim Ministru qal li l-vot kontra fil-Parlament kien imur kontra l-interess tan-nies tal-Kottonera. Il-Kottonera ghandha bzonn ta' investiment gdid. Investiment li minnu nnifsu johloq attivita ekonomika gdida u impjiegi godda.

Mistoqsi dwar il-petizzjoni li qed tingabar mic-cittadini tal-Kottonera dwar il-progett, il-Prim Ministru qal li c-cittadini tal-Kottonera ghandhom dritt juru li jridu dal-progett. Ir-ragunijiet li ngiebu ghat-twaqqif tal-progett - bhall-ghawm fl-inhawi meta huwa maghruf li hadd ma jmur jghum hemm minhabba l-ilma bahar imniggez li hemm - bil-fors iqanqlu thassib fost ic-cittadini tal-Kottonera. "Nahseb li huwa siewi li c-cittadini tal-Kottonera juru ezattament x'inhi x-xewqa u s-sentimenti taghhom. Halli hadd ma jitkellem f'isimhom meta' jkun qed jghid affarijiet li huma ma jaqblux maghhom".

Il-Prim Ministru staqsa: "Xi jridu jifhmu c-cittadini? Dan li qed jipproponi l-Gvern huwa xi haga ta' barra minn hawn? Xi haga mahsuba biex indahhlu lill-poplu fi xkora? Hija xi haga mahsuba biex naghtu xi vantagg lil baruni jew iehor, kif kien jigri qabel? Ma nahsibx! Anzi. Aktar ma nwessghu id-diskussjoni fuq dak li qed jintqal u qed nipproponu, aktar se tinfirex l-idea, l-gharfien li mexjin b'modi moderni fl-interess tal-Kottonera kollha, fl-interess tal-Maltin u l-Ghawdxin kollha. Nemmen allura li mhux biss irridu ninnegozjaw u ntemmu n-negozjati li qed naghmlu, imma rridu nispjegaw lill-poplu tal-Kottonera kollu, lil Malta u Ghawdex kollha, dak li qed naghmlu. Affarijiet li huma serji, affarijiet li huma genwini, affarijiet li huma ndirizzati b'mod modern biex jilqghu ghall-isfidi li ghandna. Imbaghad jiddeciedi l-poplu. Hadd ma jippretendi li jiddeciedi ghall-poplu minghajr l-inqas biss ma jkun qara' l-kuntratt innifsu", qal il-Prim Ministru.