Il-Privatizzazzjoni parzjali ta' Maltacom plc: Bosta investituri barranin jattendu ghar-Roadshow ta' Londra

F'Londra llum rapprezentanti ta' aktar minn hamsin kumpanniji interessati fix-xiri ta' l-ishma tal-Maltacom plc attendew ghar-Roadshow li fethet fil-kapitali Ingliza f'sensiela ta' roadshows li qeghdin isiru f'dawn il-granet fl-Ewropa u fl-Istati Uniti. Il-Prim Ministru Dr Alfred Sant u l-Ministru Joe Mizzi flimkien ma' ufficcjali tal-Maltacom kienu prezenti ghal din ir-roadshow. Matul dawn ir-roadshows il-Maltacom qed thajjar investituri barranin jixtru 20% ta' l-ishma tal-kumpanija bhala parti mill-pjan tal-Gvern li jipprivatizza l-Maltacom. Il-Gvern qed joffri ghall-bejgh 40% ta' l-ishma tal-Maltacom li minnhom 20% se jigu offruti fis-swieq internazzjonali waqt li 20% ohra gew offruti fis-suq lokali. L-offerta fis-suq lokali mistennija tiftah ghall-pubbliku fil-11 ta' Gunju bi prezz massimu li mistenni jithabbar fi ftit granet ohra.

L-investituri potenzjali li attendew ghar-roadshow ta' Londra inghataw informazzjoni dwar il-pozizzjoni finanzjarja u l-istrategija tal-Maltacom ghall-futur. Dawn ghamlu diversi mistoqsijiet dwar il-kumpanija tat-telekommunikazzjonijiet u l-pjani taghha ghal ristrutturazzjoni.

Rapprezentanti ta' dawn il-kumpaniji ltaqghu mal-Prim Ministru Malti u mar-rapprezentanti tal-Maltacom plc li spjegaw u elaboraw dwar il-pjanijiet tal-kumpanija. Il-Prim Ministru qal lill-investituri barranin li f'Malta jezisti konsensus dwar il-privatizzazzjoni tal-Maltacom. Il-Prim Ministru tkellem dwar l-izbilanc strutturali li wirtet l-amministrazzjoni gdida fil-finanzi tal-gvern u qal li fost il-mizuri korrettivi li kellhom jittiehdu kien hemm propju il-programm ta' privatizzazzjoni parzjali ta' kumpaniji statali li mistennija zzid l-efficjenza ta' l-istess kumpaniji. Dr Sant tkellem ukoll dwar il-politika Ewropea gdida tal-Gvern Malti u qal li Malta qed tinnegozja ftehim ta' zona ta' kummerc hieles ma' l-Unjoni Ewropea, peress li fil-futur previdibbli ma jaqbilx ghal Malta li ssir membru shih ta' l-U.E.

Ghal mistoqsijiet ta' gurnalisti dwar dan l-ezercizzju l-Prim Ministru qal li l-interess fl-ishma tal-Maltacom fis-suq lokali u fis-swieq barranin huwa sinjal tal-fiducja fil-kumpanija tat-telekommunikazzjonijiet u fl-ekonomija ta' pajjizna. "Min jixtri l-ishma tal-Maltacom fis-swieq internazzjonali qed juri fiducja f'dil-kumpanija ghax qed jixtri parti mill-futur taghha. Meta l-investituri barranin jixtru dawn l-ishma fis-swieq internazzjonali qed jghidu li ghandhom fiducja u li se jmorru tajjeb b'dak li qed jixtru mill-Maltacom. Min jixtri l-ishma tal-Maltacom qed jifhem li l-Maltacom hija parti essenzjali mill-mod kif l-ekonomija ta' Malta qed tizviluppa u allura qed juru fiducja aktar u aktar fl-ekonomija Maltija."

Is-sur Tony Meilaq u s-sur Joe Azzopardi, Chairman u General Manager rispettivament tal-Maltacom plc iltaqghu mar-rapprezentanti barranin u tkellmu dwar il-prospetti li jezistu ghall-investiment fil-kumpanija. Is-sur Alfred Mifsud, Chairman tal-Mid Med Bank kien prezenti wkoll ghal din ir-roadshow. Il-Mid Med Bank qed jikkoordina l-privatizzazzjoni tal-Maltacom plc flimkien ma' HSBC Investment Bank. Roadshows simili diga' saru fi Glasgow, Parigi, Zurich u Ginevra. Wara r-Roadshow ta' Londra mill-gimgha d-diehla se jsiru aktar laqghat simili f'Milan, fi Frankfurt, f'Boston u fi New York.

Matul iz-zjara tieghu f'Londra il-Prim Ministru se jkollu aktar laqghat ma' rapprezentanti ta' l-istituzzjonijiet finanzjarji ewlenin.