Stqarrija mill-Ufficcju tal-Prim Ministru dwar dak li sehh fit-Torri tal-Gharghur

B'riferenza ghal dak li gara l-bierah fit-torri tal-Gharghur, il-Gvern jixtieq jippreciza dan li gej:

1. Il-Partit Nazzjonalista nghata licenzja biex jittrasmetti bit-televizjoni b'decizjoni tal-Gvern li alloka frekwenzi godda wara li l-PN applika lill-Awtorita' tax-Xandir. M'hemm l-ebda hsieb li din il-licenzja tixxellef b'xi mod, dejjem fir-rispett tal-kundizzjonijiet teknici li fuqhom inghatat u fir-rispett shih tal-ligi. Il-licenzja mahruga lill-PN, kif ukoll lil applikant iehor, kienet soggetta ghal kundizzjonijiet maghmula lill-Awtorita' tax-Xandir li kienet tghid li l-kanali fuq il-UHF allokati godda setghu jintuzaw minghand antenni individwali u mhux mit-torri tal-Gharghur. Fil-kaz tal-licenzja moghtija lil NET TV kundizzjoni teknika kienet ghalhekk li t-trasmissjonijiet isiru mill-Iklin, li kien gie identifikat mill-PN innifsu. Dan sar peress li jezistu rapporti teknici li jghidu li mit-torri tal-Gharghur mhux possibbli li jsiru trasmissjonijiet addizjonali fuq il-UHF minghajr ma tinholoq interferenza qawwija fuq trasmissjonijiet lokali diga' ezistenti. Dawn l-istudji teknici kienu saru fi zmien l-amministrazzjoni precedenti.

2. Fl-ahhar gimghat kienu saru rapporti ta' xandiriet televizivi bi prova minn NET TV mhux awtorizzati skond il-licenzja moghtija lill-PN minn zona qrib in-Naxxar, liema xandiriet holqu interferenza kbira fuq trasmissjonijiet televizivi lokali.

3. Skond l-Avviz Legali 71 ta' l-1998 kwalunkwe trasmissjonijiet televizivi jistghu jsiru biss minn postijiet u antenni "hekk kif l-Awtorita tax-Xandir, bi ftehim mal-Ministru responsabbli ghat-Telegrafija minghajr Fili, tista' tapprova bil-miktub."

4. Il-Gvern kellu informazzjoni, li rrizultat fondata ghaliex ikkonfermata wkoll mill-Partit Nazzjonalista, li ddahhal transmitter tat-TV fit-torri tal-Gharghur bil-ghan li jxandar. Twahhlu wkoll panelli marbuta mat-thaddim ta' dan it-transmitter. Il-Ministru responsabbli qatt ma ntalab, la mill-Awtorita' tax-Xandir u lanqas minn haddiehor, biex jawtorizza dan l-ezercizzju. Fid-dawl tal-poteri moghtija lilu mil-ligi, il-Ministru talab lill-awtoritajiet tal-pulizija biex jizguraw li t-transmitter ma jibqax fit-torri tal-Gharghur. La qatt kien hemm u lanqas hemm xi hsieb li dan it-transmitter jigi kkonfiskat.

5. Jibqa' inkontestat li l-operat tat-telekomunikazzjoni f'pajjizna ghandu jkun suggett ghal-ligijiet tal-pajjiz u ghad-decizjonijiet tal-qrati. Il-Qorti l-bierah iddecidiet, fuq talba ta' stazzjon privat, li l-Awtorita' tax-Xandir m'ghandhiex tippermetti xandir gdid fuq il-UHF mit-torri tal-Gharghur. Il-Qorti ddecidiet ukoll, b'mandat ta' inibizzjoni fuq talba tal-PN, li t-transmitter u l-panelli mtella' u mwahhla fit-torri tal-Gharghur jibqghu fejn jinsabu llum.

6. Illum il-Gvern ipprezenta rikors fil-qorti biex jitlob ir-revoka contrario imperio tal-mandat ta' inibizzjoni moghti favur il-Partit Nazzjonalista.