IL-PROBLEMA TAD-DJAR BATTALA F’MALTA DISKUSSA FL-INGILTERRA

Dr. Stefan Buontempo, Konsulent tal-Ministru ghad-Djar u Kunsilli Lokali din il-gimgha kellu laqgha f’Londra mal-Ministru tal-Kostruzzjoni Ingliz, Mr. Nick Raynsford li fiha ddiskutew il-problema tal-bini battal. Dr. Buontempo kien Londra fejn attenda ghall-konferenza dwar il-problema tal-bini battal fl-Ingilterra bhala l-mistieden tal-Empty Homes Agency tal-Ingilterra li kienu l-organizzaturi tal-konferenza. Din il-Konferenza kienet taghmel parti min-“National Week of Action on Empty Homes”.

Id-Delegati f’din il-konferenza ddiskutew  il-qaghda tad-djar battala fl-Ingilterra llum u anke x’mizuri ghandhom jittiehdu biex din il-problema tigi solvuta. L-argument tal-konferenza dar mal-fatt li l-Ingilterra hija gzira b’art skarsa li ma tistax tkompli tiehu art agrikola biex fuqha jitla aktar bini.

Fost is-suggerimenti validi li saru kien hemm li ghandha ssir kampanja biex tiftah ghajnejn il-poplu dwar il-htiega li djar bhal dawn jigu utilizzati llum qabel ghada u dan fid-dawl ukoll tal-fatt  ta’ l-eluf kbar ta’ nies li qeghdin jghixu fit-toroq u ohrajn li qeghdin jghixu f’postijiet sub-standard, fl-Ingilterra.

Il-membri Parlamentari prezenti qablu li ghandhom jittiehdu passi immedjati biex din il-proprjeta’ tinhareg fis-suq u dan permezz ta’ incentivi u kien hemm ukoll minn ippropona sanzjonijiet.

Kemm dam l-Ingilterra Dr. Buontempo kellu laqgha ohra  ma’ Mr. Bob Lawrence, Chief Executive tal-Agenzija tad-Djar Battala. Dr. Buontempo stieden lil Mr. Lawrence biex jigi Malta bil-ghan li jibdel ideat dwar din il-problema attwali anke f’Malta. Mr. Laurence accetta l-istedina.

Iz-zjara ta’ Dr. Buontempo saret possibbli wara laqgha li l-Ministru ghad-Djar u Kunsilli Lokali, s-Sur Alfred Portelli kellu f’Londra, ma’ ufficjali ta’ din l-agenzija gimghatejn ilu.