Il-Prim Ministru jinawgura r-Rinella Movie Park fil-Kalkara

Il-Prim Ministru Dr. Alfred Sant il-lejla inawgura ufficjalment ir-Rinella Movie Park fil-Mediterranean Film Studios fil-Kalkara. Dan il-Movie Park jimpjega 125 persuna, li minnhom 80 huma part-time u se jkun attrazzjoni ewlenija ghall-Maltin u l-Ghawdxin u ghall-barranin li jkunu qeghdin jghixu f'Malta.

Il-Movie Park jinkludi mudel tal-vapur minn Raise the Titanic u mudelli mill-films Cristoforo Colombo, Orca the Killer Whale, Midnight Express, White Squall u The Odyssey. Il-Mediterranean Film Studios kien jintuza primarjament ghal film li jinvolvi l-bahar jew xeni taht il-bahar. Il-Movie Park jinkludi diversi attrazzjonijiet ohrajn ta' films li jfakkruk f'artisti maghrufa bhal Roger Moore, Jean-Claude Van Damme, Geena Davis, Jeff Bridges, Robin Williams u George Depardieu, fost il-hafna artisti ta' fama internazzjonali li hadmu films f'pajjizna.

Il-Prim Ministru fahhar din l-inzijattiva u qal li dan il-progett huwa fid-direzzjoni t-tajba u se jsebbah l-attrattiva taghna bhala destinazzjoni turistika ohra barra mix-xemx u l-bahar li joffri pajjizna lit-turist. Dr. Sant qal li dan il-progett jaqbel mija fil-mija mal-pjani tal-Gvern li jkattar il-potenzjal turistiku tan-nofsinhar ta' Malta, l-aktar l-inhawi tal-Kottonera.

Il-Prim Ministru qal li l-Gvern huwa konvint li hemm futur sabih ghal pajjizna fl-industrija tac-cinema u f'industriji li ghandhom x'jaqsmu maghha. Dr. Sant qal li l-gvern jemmen li pajjizna ghandu dak kollu mehtieg biex isir centru ta' l-industrija tac-cinema u centru ta' produzzjonijiet televisivi. Il-gvern qed jiehu hsieb jinkoraggixxi t-twaqqif ta' l-infrastruttura finanzjarja u organizzattiva mehtiega biex jitrawwem dan l-izvilupp. L-istrutturar ta' l-ekonomija taghna jinkludi l-ftuh ta' toroq godda ta' negozju produttiv u dan il-Movie Park huwa bla dubju wiehed minnhom.