Stharrig ta' l-opinjoni pubblika dwar il-Korp tal-Pulizija

Il-programm ta' modernizzazzjoni fil-Korp tal-Pulizija li l-Gvern Laburista Gdid kien beda jahdem fuqu f'Ottubru 1996 diga' beda juri li l-poplu qed japprezza aktar is-servizz li qed jinghatalu u li l-glieda kontra l-kriminalita' qed tkun effettiva.

Waqt intervista li l-Onor. Ministru Joe Mizzi kien qed jaghti lill-stazzjon tar-Radju Lokali illum, huwa qal li minn stharrig fost 1000 persuna Maltija li sar mill-MISCO gie stabbilit li 80% ta' dawk intervistati qalu li huma sodisfatti bl-operat tal-pulizija li jikkumplimenta sew il-hidma li saret mill-Gvern u l-ufficjali ewlenin tal-Korp biex jaghtu dehra gdida tal-Korp.

Mill-istharrig jirrizulta, zied il-Ministru Mizzi, li 'l fuq minn 70% jahsbu li qed issir b'success l-glieda kontra l-kriminalita' u li l-Pulizija ghandhom manjieri tajbin, efficjenti, onesti fix-xoghol u dhulin, lesti li jisimghu lmenti, u li ghandhom dehra prezentabbli. Il-MISCO irrizultala wkoll li kwazi 80% tal-persuni mistharrga kienu jafu li qed issir riforma biex il-Korp ikun modernizzat u li b'rihet hekk tnaqqas il-hela fuq overtime, hafna pulizija ma baqghux jaghmlu xoghol klerikali u zdied l-ghadd ta' kuntistabbli fit-toroq.

Il-Ministru qal li hareg ukoll mill-istharrig li l-poplu ghandu idejat diversi dwar x'jahsbu li ghandha tkun jew x'inhi l-funzjoni primarja tal-pulizija. Madwar 40% tal-poplu jassocjahom mal-glieda kontra d-drogi, 20% mal-kontroll tat-traffiku waqt li 15% jqisu li l-glieda kontra l-kriminalita' hija l-hidma ewlenija taghhom.

Il-mizuri li qed jittiehdu, qal il-Ministru Mizzi, jirriflettu li llum jezisti Gvern verament responsabbli u li qed iwettaq l-obbligu tieghu li jaghmel dak li hu xieraq anke jekk f'xi cirkostanzi l-mizuri ma jkunux popolari.

Dan hu rifless sew mill-percentwali gholi ta' dawk li mill-istharrig jirrizulta li qalu jhossuhom f'aktar sigurta' fl-inhawi fejn jghixu u fit-toroq. Il-poplu innota li l-Pulizija qed ikunu ta' aktar ghajnuna ghalihom u li xogholhom sar aktar professjonali.

Il-Ministru zied jghid ukoll li fost l-elementi negattivi li ssemmew minn dawk mistharrga kien hemm min qal li jkun hemm dewmien biex il-pulizija jaslu fuq il-post meta jigu msejha, jew li ma segwewx sew kazi li kellhom quddiemhom: inkella ma sabux l-ghajnuna li ppretendew. Waqt li 80% jemmnu li biex tidhol fil-korp trid tkun ta' fibra morali soda, nofshom isostnu li membri tal-korp ma jafux sew id-doveri taghhom x'jirrikjedi.

Il-Ministru Mizzi qal ukoll li hemm bosta xoghol ta' modernizzazzjoni ghal korp li qed jistenna biex jigi mplimentat sal-ahhar tas-sena u li jaghtih dehra aktar efficjenti. Mistoqsi dwar l-introduzzjoni tat-test kontra sewqan taht influwenza tax-xorb (breathalyser) il-Ministru qal li din il-Ligi se tigi fis-sehh fil-25 ta' dan ix-xahar. Il-pulizija, jekk ikollha suspett ragjonevoli li persuna qed issuq taht influenza ta' alkohol aktar milli preskritt bil-ligi jkollha dritt titlob kampjun tan-nifs tal-urina w tad-demm ghal ezamijiet forensici.

Il-Ministru temm jghid li hemm stabbiliti pieni horox ghal min jinqabad jabbuza ghaliex dan, minbarra li jkun qieghed jesponi lilu nnifsu ghal periklu, jkun ukoll ta' riskju ghal terzi persuni u propjeta'.