Imniedi ktejjeb ta' taghrif dwar l-Aids u l-HIV

Il-persuni kollha nfettati bl-HIV se jkunu jistghu jiehdu l-kura b'xejn fil-futur qarib. Dan habbru l-Ministru ghas-Sahha, Kura ghall-Anzjani u Affarijiet tal-Familja, Dr Michael Farrugia waqt li gie imniedi ktejjeb b'taghrif dwar l-AIDS u l-HIV. Il-Ministru qal li dan huwa servizz gdid offrut mill-Gvern Malti ghall-gid tac-cittadini Maltin u Ghawdxin. Gie mfassal protokoll mediku sabiex dawk il-persuni nfettati bl-HIV jkunu jistghu jinghataw il-kura meta suppost. Din il-medicina trid tinghata lill-pazjent fil-mument opportun, biex tkun l-aktar effettiva. Huwa stmat li l-kura tiswa madwar Lm350 kull xahar kull persuna u li fix-xenarju prezenti tal-marda tal-HIV tigi tiswa eluf ta' liri.

Il-Ministru Farrugia qal li l-medicina ghall-HIV ma tfejjaqx, izda din ittawwal iz-zmien qabel jitfacca l-AIDS. Ghalhekk din il-medicina taghti kwalita' ahjar u itwal ta' hajja, li f'hafna kazi taghti opportunita' lil persuni li jbaghtu bl-HIV li jghixu hajja aktar normali. Minn huwa nfettat bl-HIV xorta jista' jittrazmetti l-marda lil haddiehor.

L-informazzjoni f'dan il-ktejjeb giet migbura minn Dr Norman Shaw mid-Dipartiment tal-Promozzjoni tas-Sahha u Relazzjonijiet Internazzjonali. Il-ktejjeb gie ppublikat bl-ghajnuna tal-Malta International Airport u ser jitqassam mill-ajruport ta' Malta, kif ukoll mic-Centru Taghrif ghal Sahhtek u mic-Centri tas-Sahha.

Il-Ministru Michael Farrugia qal li dan il-ktejjeb huwa mmirat partikolarment ghal dawk ic-cittadini Maltin li jkunu ser isiefru, kif ukoll ghal dawk it-turisti li jzuru il-gzejjer Maltin.

Il-Gvern Malti qieghed f'kuntatt kontinwu mall-Ghaqda Dinjija tas-Sahha, kif ukoll mall-U.N.A.I.D.S. Il-Ministru qal li l-ewwel kaz ta' AIDS rappurtat fid-dinja kien fl-1959, fil-post maghruf qabel bhala l-Belgian Congo. Skond rapport minn hames agenziji tal-United Nations, kull minuta 5 persuni madwar id-dinja ta' eta' bejn l-10 u l-24 sena jigu nfettati bil-mikrobu tal-HIV, li tista twassal ghall-marda qerrieda tal-AIDS. Dan ir-rapport jghid ukoll li mill-anqas 10 miljun, mit-30 miljun ruh, li huma nfettati bl-HIV huma taht l-24 sena. Sas-sena 2020, ser ikun hawn 40 miljun orfni taht il 15-il sena fit-23 pajjiz li huma l-aktar affettwati mill-HIV. 1.7 miljun zaghzugh u zaghugha fl-Afrika jkunu infettati bl-HIV kull sena, u 700,000 fl-Azja u fil-Pacifiku. Mill-1994, ir-rati ta'infezzjonijiet bl-HIV fl-Ewropa tal-Punent zdiedu b'sitt darbiet.

F'Malta, in-numru ezatt ta' kazi ta' HIV mhux maghruf, imma huwa stmat li jilhaq madwar mitt ruh. Madwar 45 ruh kienu jbatu mill-AIDS, li 41 minnhom illum huma mejta.

Ghalhekk huwa importanti li kemm f'Malta, kif ukoll meta wiehed isiefer, wiehed jiehu l-prekawzjonijet kollha u ma jahrabx mir-realta' tal-hajja.

Il-Ministru Michael Farrugia rringrazzja lill-Ministru Joe Debono Grech, kif ukoll lill-Malta International Airport ghall-koperazzjoni taghhom mad-Dipartiment tal-Promozzjoni tas-Sahha, biex dan il-ktejjeb seta' jigi ppubblikat.