Iz-zjara tad-Deputat Prim Ministru George Vella fil-Lussemburgu

Id-Deputat Prim Ministru u Ministru ta' l-Affarijiet Barranin u l-Ambjent, Dr. George W. Vella, zar il-kwartieri tal-Kummissjoni Ewropea fil-Lussemburgu, nhar it-Tlieta 28 ta' April 1998. Iz-zjara tad-Deputat Prim Ministru kienet tikkoncerna il-laqgha ta' l-Association Council li ssir kull sena bejn Malta u l-Unjoni Ewropea fi hdan l-Association Agreement li pajjizna ghandu mal-Komunita'. Din kienet l-ghaxar laqgha bejn iz-zewg nahat.

Il-laqgha ssir f'dak li jsejhulu "il-margini tal-General Affairs Council" jigifieri wara l-laqgha ta' kull xahar li ghaliha jattendu l-Ministri ta' l-Affarijiet Barranin tal-Komunita' biex jiddiskutu l-materji li jaqghu taht il-mandat taghhom. Il-laqgha ta' din is-sena kienet tirrigwarda l-proposta ta' Malta ghal ftehim ta' kummerc hieles mal-Komunita'.

F'Novembru 1996, id-Deputat Prim Ministru u Ministru ta' l-Affarijiet Barranin u l-Ambjent kien informa l-General Affairs Council li Malta ma kienitx ser issegwi aktar politika ta' shubija mal-Komunita, imma skond il-mandat tal-Gvern fl-elezzjonijiet ricenti, kienet ser titlob protokoll ta' kummerc hieles kif ukoll relazzjoni mill-qrib fuq policies li huma ta' interess ghaz-zewg nahat.

Minn dak iz-zmien Malta hadmet mal-Kummissjoni ta' l-Unjoni Ewropea biex tispjega aktar fid-dettal din il-posizzjoni gdida tal-Gvern Malti u kif dan il-ghan jista jintlahaq bl-ahjar mod.

Fi Frar 1998, il-Kummissjoni ta' l-Ewropa baghtet rapport lill-Kunsill tal-Ministri fejn tat kwadru dettaljat ta' x'jehtieg isir biex jintlahaq ftehim. Il-Gvern Malti kien iddiskuta dan ir-rapport u sar qbil li l-Kunsill tal-Ministri jaghti l-awtorita' lill-Kummissjoni biex tinnegozja ma' Malta protokoll gdid dwar il-kummerc hieles.

Il-laqgha li saret aktar kmieni din il-gimgha kienet proprju ghal dan il-ghan. F'din il-laqgha inqraw diskorsi miz-zewg nahat fejn affermaw l-intenzjoni taz-zewg nahat li jipprocedu ghal-protokoll gdid ta' kummerc hieles, id-diskorsi ukoll accennew ghal dawk il-mizuri li huma mehtiega biex jintlahaq ftehim.

Fi tmiem il-laqgha, iz-zewg nahat qablu u ppubblikaw tlett dikjarazzjonijiet kongjunti. Wahda minn dawn id-dikjarazzjonijiet tittratta dwar ir-relazzjonijiet futuri bejn iz-zewg partijiet. Dawn ir-relazzjonijiet jinkludu mhux biss ftehim ta' kummerc hieles bejn iz-zewg nahat, imma ukoll koperazzjoni f'diversi oqsma bhal l-energija, l-ambjent, it-trasport, l-industrija, l-edukazzjoni, t-tahrig u z-zghazagh, politika tal-konsumatur u s-sahha, ir-ricerka, il-komunikazzjoni u t-turizmu u l-kultura. F'dan id-dokument, l-Unjoni tirrikonoxxi li r-ristrutturazzjoni mehtiega mill-industrija Maltija biex tissieheb fil-kummerc hieles, kienet ta' bejn hamsa u seba' snin.

It-tieni dikjarazzjoni tittratta dwar id-decizzjoni taz-zewg nahat li jfittxu djalogu politiku li jghin halli jqarreb iz-zewg nahat fl-oqsma internazzjonali. Il-ftehim jinkludi ukoll tishih fil-koperazzjoni dwar il-politika u s-sigurta' partikolarment fir-regjun tal-Mediterran.

It-tielet dikjarazzjoni tittratta dwar ftehim li jkun hemm koperazzjoni f'dak li ghandu x'jaqsam mal-gustizzja u l-affarijiet interni. Iz-zewg nahat qablu fost affarijiet ohra li jfittxu u jsahhu koperazzjoni bejn il-pulizija u d-dwana biex jiggieldu ahjar kontra t-traffikar tad-drogi, it-terrorizmu, hasil ta' flus u kriminalita' ohra ta' natura internazzjonali.